Inamin ng Kapuso actor na si Mikoy Morales na hindi pa sila nagkakaayos ng Cannes-winning actress na si Jaclyn Jose matapos nilang magkaroon ng hindi pagkakaintindihan.
Sinabi ito ni Mikoy sa guesting nila ng kanyang girl best friend na si Mikee Quintos sa Fast Talk With Boy Abunda ngayong Lunes, October 2, 2023.
Pinili ni Mikoy na sabihin ang pangalan ni Jaclyn kesa gawin ang hamon ni Boy Abunda na sumayaw siya na parang si Paul Salas, ang boyfriend ni Mikee, sa "Talk Or Dare" segment.
Read: Mikee Quintos, inaming nagtapat siya noon ng feelings kay Alden Richards
Nilinaw ni Mikoy hindi sila nagkaroon ng sagutan ng beteranang aktres.
Bago banggitin ang pangalan ni Jaclyn, napabuntong-hininga muna si Mikoy na tila nahirapang isiwalat ang katotohanan.
“I won’t consider it as alitan kasi hindi naman kami nagsagutan pero... Jaclyn Jose…Jaclyn Jose,” pag-amin ni Mikoy.
“Naayos ito?” tanong ni Boy.
“Parang hindi naman,” sagot ng Cinemalaya 2023 best actor.
“Hindi pa kayo nagkakasalubong ni Jane [tunay na pangalan ni Jaclyn]?” tanong ni Boy.
“Nagkakasalubong... May isang time, kasama ko pa siyang [Mikee] maglakad, e. Parang sila, 'Hoy, tara, bati tayo.'
“Nope… umikot ako ng buong floor,” kuwento ni Mikoy tungkol sa pag-iwas niya sa award-winning actress.
Read: Jaclyn Jose, naranasang sindakin ng sikat na sexy stars noon
Ayon kay Mikoy, walang kinalaman sa kanilang trabaho ang naging alitan nila ni Jaclyn.
“Nangyayari sa trabaho, pero hindi siya dahil sa trabaho. Isa ito sa mga... maybe, madalas mangyari, but I took personally.
"Maybe it’s something like that which kinda scarred me. To the point na I would get anxious when I would think of stepping in set with her there,” pahayag ni Mikoy.
Mababakas sa kanyang mukha na hindi pa rin siya handang makaharap si Jaclyn.
Nagkasama sina Jaclyn at Mikoy sa 2017 Kapuso revenge drama series na D'Originals.