Buo na ang plano ni Mary Jean “MJ” Lastimosa na bumiyahe sa El Salvador para suportahan ang Miss Universe 2023 bid ni Michelle Marquez Dee, pero hindi siya natuloy.
Read: Miss Nicaragua crowned Miss Universe 2023; Michelle Dee reaches Top 10
“Marami akong ginagawa and then I was still considering going and then on the last minute, I was looking for flights, wala nang reasonable flights that would give me shorter option.
"The options that are actually more reasonable would take me like forty hours to get there.
“So, parang feeling ko, hindi ko na talaga…parang pagdating mo doon, manonood ka na lang ng pageant and then tapos na.
“Wine-weigh ko rin yung things kasi malayo talaga yung El Salvador from the Philippines.
"But hopefully, next year, live again na makapanood ako,” paliwanag ni MJ tungkol sa kanyang desisyong huwag nang pumunta sa El Salvador.
Eksklusibong nakausap ng Cabinet Files si MJ nitong Lunes ng hapon, Nobyembre 20, 2023.
Si MJ ang kinatawan ng Pilipinas sa Miss Universe 2014 na ginanap sa Florida, USA, noong January 26, 2015.
Pareho ang kapalaran nila ni Michelle dahil Top 10 semifinalist din si MJ sa international beauty pageant na sinalihan niya.
Read: MJ Lastimosa on her Miss Universe journey: “I have no regrets.”
Kung 84 ang mga nakatunggali ni Michelle sa 72nd Miss Universe, 87 naman ang nakalaban ni Michelle sa 63rd edition ng Miss Universe.
“Yung Top 10 talaga, napaka… from 84 candidates, grabe na rin yon. I think it’s something that we should celebrate," reaksiyon ni MJ tungkol sa Top 10 finish ni Michelle sa 72nd Miss Universe.
Pagbati ni MJ kay Michelle, “Congratulations! You made us all proud.
"Ang sarap maging Pinoy nung time na pinapanood ka namin, every time na isinisigaw ang Philippines to advance.
“You made us very proud, lahat ng efforts mo, lahat ng sacrifices mo just to represent us, nakita namin, so congratulations Michelle!”
Naniniwala si MJ na mahal ng mga Pilipino ang pageantry kaya nahihirapan ang ating mga kababayang tanggapin ang katotohanang hindi kasali sa Top 5 ng Miss Universe 2023 ang pambato ng Pilipinas.
Read: Michelle Dee on Top 10 Miss Universe 2023 finish: “Sayang, hindi ako nakahawak ng mic.”
Napangiti naman si MJ nang mapag-usapan si Nawat Itsaragrisil, ang presidente ng Miss Grand International Organization na nagdeklarang hindi na welcome sa kanyang patimpalak ang Pinay beauty queen na madalas na sinusuportahan ang international beauty pageant na itinatag ng Thai businessman.
“Actually, lagi naman akong supportive sa Miss Grand International. Medyo na-shookt lang ako sa… yung away na one-sided. Wala akong kinalaman,” paliwanag ni MJ tungkol sa inasal ni Nawat, na mali ang pagkakaintindi sa mga sinabi niya sa kanyang vlog tungkol sa Miss Grand International noong Setyembre 2023.
Nagpadala si MJ ng mensahe para ipaliwanag kay Nawat ang kanyang panig pero hindi na sumagot ang Thai businessman na hindi naunawaang mabuti ang nilalaman ng vlog ng dating beauty queen na “shocked” at "confused" sa nangyari.