Lumipad ang mag-asawang sina Sarah Geronimo at Matteo Guidicelli sa Los Angeles, California, USA, noong Lunes, Marso 4, 2024.
Dumalo sila sa 2024 Billboard Women in Music Awards na ginanap sa YouTube Theater, Inglewood, California, noong Marso 6 (Marso 7 sa Pilipinas).
FIRST LOOK: Sarah Geronimo at Billboard's Women in Music Awards 2024
Tinanggap ni Sarah mula sa award-giving body ng Billboard ang Global Force Award at siya ang kauna-unahang Pilipina na binigyan ng nabanggit na parangal.
Sa kanyang acceptance speech, ito ang bahagi ng sinabi ni Sarah:
“I humbly accept this award on behalf of every excellent Filipino artist back home and all over the world.
“For me, this recognition signifies courage and hope.
"Courage to accept and embrace one’s self. Courage to break boundaries and defy standards.
"Courage to rise above all the setbacks and challenges that one artist or one person has to face.
“And the hope that one day, this recognition will bridge the Philippines and other nations to create change and positivity in the world through the power of music.”
Ipinagmalaki ni Sarah ang pagiging Pilipino sa katapusan ng kanyang acceptance speech dahil nagpasalamat siya sa wikang Tagalog.
Aniya, “Muli, ako po si Sarah Geronimo ng Pilipinas. Maraming salamat po.
"Mabuhay ang OPM. Thank you Lord!”
View this post on Instagram
Sampu ang miyembro ng team ni Sarah na kasama nila ni Matteo na bumiyahe sa California noong Martes.
Kinabukasan, Marso 7 (Marso 8 sa Pilipinas), ipinasyal nina Sarah at Matteo sa Universal Studios ang Team Sarah.
Sa live broadcast ni Matteo para sa Unang Hirit mula sa California ngayong Biyernes ng umaga, Marso 8, ipinakita niya ang pamamasyal nila sa popular U.S. theme park.
Tuwang-tuwa si Matteo habang nagsasalita at ipinakikita ang iba’t ibang amusement rides sa Universal Studios dahil sa karangalang ipinagkaloob ng Billboard sa kanyang asawa.
Read: Sarah Geronimo, may shoutout kay Mommy Divine sa Billboard Women in Music Awards 2024
“Si Sarah, siya yung kauna-unahang Pilipina kumbaga na naka-receive ng Global Force Award sa Billboard mismo.
"So, napakatindi ng event kagabi, napakaganda dahil maraming iba’t ibang singers, songwriters, producers from all over the world.
“Si Katy Perry nandoon, Karol G, Kylie Minogue. Siya [Sarah] lang yung Pinay na nakatanggap ng award na ganyan.
“Actually, ngayong araw nandito kami kasi sampu yung team ni Sarah, sa lahat ng hardwork nila, na-treat namin sila dito sa Universal para mag-enjoy sila.
"Pero babalik ako, sila, in two days sa Pilipinas.
“May iba’t ibang meetings dito with music producers para kay Sarah.”