Isiniwalat ni Baron Geisler na tagahanga siya ni Cristine Reyes at ng mga pelikula nitong No Other Woman (2011) at The Gifted (2014).
Sinabi ito ng aktor sa media conference ng pinagbibidahan nilang pelikula ni Cristine, ang Dearly Beloved, na naganap sa Viva Café, Cubao, Quezon City, nitong Miyerkules ng tanghali, Marso 13, 2024.
Ikinuwento ni Baron na humanga siya kay Cristine nang mapanood niya ang mga pelikula ng aktres habang nasa rehabilitation center siya dahil sa kanyang mga bisyo.
Read: Baron Geisler gets invited to ABS-CBN Ball after 14-year ban: “I won’t mess it up.”
“To be honest, I’m a fan, fan ako ng movies ni Cristine,” sabi ni Baron.
“Alam niyo po kung saan ko pinanood? Sa rehab. This was years back.
“Ito yung time na akala ko wala na akong chance sa industriya. Akala ko, magiging fisherman na lang ako, mangingisda.
“Totoo yon. Kaya po na-starstuck ako kay Cristine kasi dahil yon sa movies na pinanood ko, kasama ko yung mga fellow recoveries sa rehabilitation center.”
Nadagdagan daw ang paghanga ni Baron kay Cristine dahil sa magandang katangiang ipinamalas ng aktres sa unang araw ng shooting nila para sa Dearly Beloved.
Si Cristine daw ang unang lumapit, nakipagkilala, at nakipagkuwentuhan sa asawa ni Baron na si Jamie Evangelista.
Read: Baron Geisler says he was blessed with wife Jamie Evangelista when he started fixing his life
“Sobrang bait ni Cristine. Sa first shooting day namin, nandoon yung wife ko.”
Pagkatapos nito ay humarap si Baron kay Cristine para personal na magpasalamat.
Aniya, “I wanna thank you because you made an effort to go to the sala and talk to my wife.
“Sobrang nakakatuwa yon and so humble of you to do that.
"Sabi ko, 'Wow , ang galing!' Nawala yung intimidation ko to work with you."
Wala namang kamalay-malay si Cristine tungkol sa pagtatanggol sa kanya ni Baron laban sa netizens na nagsasabing mahirap siyang katrabaho.
Nalaman lang ni Cristine ang kuwento sa media conference ng Dearly Beloved nang ibahagi ni Baron ang pagsagot nito sa X (dating Twitter) posts ng mga naninira sa aktres.
Saad ng aktor, “Nope, misunderstood siya because of her professionalism.
"May kanya-kanya tayo ng approach sa set, especially kung mahirap ang character mahaba ang lines, etc. Meron lang naninira."
Unang nagkatrabaho sina Baron at Cristine sa TV remake ng Eva Fonda ng ABS-CBN noong Disyembre 2008.
Post noon ni Baron, “I’ve worked with her before pa 2007 ata for Eva Fonda, same siya. Totoong tao at di plastic.
“Totoong tao si AA [palayaw ni Cristine].
"I’m not protecting her because may movie kami. I’m just stating facts because while shooting, napakabait at nag-open up pa sa buhay.
"She just needs to get to know the person first bago siya mapalagay. Pero true professional artist siya. I love and support her."
Sa presscon ngayong araw ay ipinaliwanag ni Baron ang ginawa niyang pagtatanggol kay Cristine.
Aniya, “Sa akin, first-hand experience, huwag kang mag-judge. Huwag kayong mag-judge ng tao.
"Huwag kayong maniwala sa mga tao na nagtsitsismis lang. Try it for yourselves and then, bigyan ninyo ng chance na makilala yung tao."
Grateful daw si Baron dahil sa maraming pagkakataong ibinigay sa kanya para makabalik sa pag-arte, matapos dumaan sa mga pagsubok.
“ Ako, grateful lang talaga ako na nabigyan ng second, third, fourth, fifth, sixth…
"And now, by God’s grace, I’m really really praying na maging consistent yung sobriety ko.
"Yung pag-aalaga ko sa sarili ko, sa pamilya ko, relationship ko kay God, kasi mahal ko po yung trabaho.
"I see myself na parang pagdating ng panahon, para akong si Sir Eddie Garcia or Sir Dante Rivero na pagtanda ko, nandiyan pa rin po ako.
“Wala na akong ibang puwedeng gawin, ayoko naman maging direktor dahil parang ang hirap naman yata nun.”