Kabilang si Lovi Poe sa mga imbitadong bisita sa paglulunsad ng isang brand ng mamahaling relo sa Milan, Italy, last week.
Nakasama niya ang mga kilalang personalidad, kabilang ang Irish actor na si Barry Keoghan (Saltburn), ang Brazilian model na si Alessandra Ambrosio, ang kapwa Filipina actress na si Nadine Lustre, at ang English actors na sina Jonathan Bailey (Bridgerton) at Naomie Harris (No Time To Die).
Read: Confirmed: Lovi Poe joins cast of Hollywood indie film Bad Man
View this post on Instagram
LOVI POE RESUMES SHOOTING GUILTY PLEASURE
Hindi nagtagal ng isang linggo ang pamamalagi ni Lovi sa Italy dahil kailangan na umuwi siya sa Pilipinas para sa shooting ng Guilty Pleasure, ang kanyang bagong pelikula na ginagawa para sa Regal Entertainment Inc.
Bumalik siya sa Pilipinas noong Biyernes, Abril 26, 2024.
Pagdating ni Lovi, nagpunta agad siya sa Olongapo dahil dito kinunan ang kanyang mga eksena para sa proyektong pinangungunahan nila nina JM de Guzman at Jameson Blake.
Read: Lovi Poe, nahihiya pa ring tawaging "Hollywood actress"
“Tuluy-tuloy ang shoot,” pahayag ni Roselle Monteverde, ang executive producer ng Regal Entertainment Inc., sa Cabinet Files.
“Day 4 na kami kahapon. Next shooting day is bukas, May 1," karagdagang impormasyon mula kay Roselle, na natutuwa dahil walang anumang aberya sa shooting ng Guilty Pleasure.
Ipinagtapat naman ni Lovi ang kabang nararamdaman bago nag-umpisa ang shooting ng Guilty Pleasure dahil mga abogado ang karakter na ginagampanan nila ng kanyang leading men.
Read: JM de Guzman, kabado sa bagong tambalan nila ni Lovi Poe
Jameson Blake, Lovi Poe, and JM de Guzman / PHOTO: Jerry Olea
“I’m nervous to be honest kasi kakaiba yung karakter na ipo-portray namin and the depth of the story is something very different from most of the projects that I’ve done.
“But of course with the guidance of Direk Connie [Macatuno], I’m sure, she’s gonna help us maneuver, and excited to work for the first time with JM and Jameson, kaya siguro rin ako ninenerbiyos dahil na-sandwich ako ng dalawang guys na ito.
“Everyone is amazing especially when we did the script reading. Parang masarap yung pakiramdam na nakita mo kung paano mag-deliver yung bawat characters and, of course, kay Direk Connie, I’ve always wanted to work with her again after Malaya [2020].
“It’s something na sabi ko, I just wanna keep working with her ‘coz I always learn from her. Aside from being one of her actors, I am just excited to be a student again.”