"WHAT JUST HAPPENED"
Ito ang reaksiyon ni Miss Universe Philippines 2022 Celeste Cortesi, in all caps, sa kanyang X (Twitter) post ilang minuto matapos koronahan si Chelsea Manalo ng Bulacan bilang Miss Universe Philippines 2024.
Read: Dark horse Chelsea Manalo wins Miss Universe Philippines 2024
“Ang ganda ganda ni Christi tas perfect yung answer nya!!!!” ang sumunod na X post ni Cortesi, na indikasyong si Christi McGarry ng Taguig ang kandidatang sinusuportahan niya.
Si Christ McGarry, na beterana sa pagsali sa iba’t ibang mga beauty pageant, ang fourth runner-up sa Miss Universe Philippines 2024.
Maaaring may kinalaman ang kanyang edad na 33 kaya hindi pinili ng mga hurado si Christi; at hindi rin siya binigyan ng ibang beauty title na ipinagkaloob ng Empire.PH kina Ahtisa Manalo (Miss Cosmo Philippines 2024), Alexie Brooks (Miss Eco Philippines 2025), Tarah Valencia (Miss Supranational 2025), at Cyrille Payumo (Miss Charm Philippines 2025).
Read: Ahtisa Manalo, Alexie Brooks also win beauty titles at Miss Universe Philippines 2024
Hindi man siya pabor sa resulta, wala nang magagawa si Celeste dahil si Chelsea ang pinili ng mga hurado.
BEAUTY-PAGEANT VETERANS
Gaya ni Celeste, maituturing na kontesera sa mga beauty pageant si Chelsea dahil sumali na siya sa Miss World Philippines 2017 na ginanap sa Mall of Asia Arena noong Setyembre 3, 2017.
Labingwalong taong gulang si Chelsea nang subukan nito ang kapalaran sa Miss World Philippines 2017.
Tulad sa Miss Universe Philippines 2024, siya ang kinatawan ng Bulacan. Pero hanggang Top 15 lang ang inabot niya.
Makalipas ang pitong taon, muling tumuntong si Chelsea sa entablado ng Mall of Asia Arena para sa Miss Universe Philippines 2024.
Sa pagkakataong ito, ganap na natupad ang kanyang pangarap maging beauty queen.
Marami ang nabigla sa tagumpay ni Chelsea dahil isa kina Ahtisa Manalo at Alexie Brooks ang hinuhulaang magwawagi ng korona ng Miss Universe Philippines.
Read: Tamang Manalo ba ang nanalong Miss Universe Philippines 2024?
Si Chelsea ang nag-uwi ng karangalan na pinagmulan ng mga birong kaapelyido ni Ahtisa pero kakulay ni Alexie ang nagwagi dahil ito ang itinadhana.
QUEEN OF BALANCING ACT
Bukod sa Miss Universe Philippines 2024 title, binansagan si Chelsea na "Queen of Balancing Act" dahil sa katangiang ipinamalas niya nang ilagay ni Miss Universe Philippines 2023 Michelle Dee sa kanyang ulo ang korona.
Mabilis itong ginawan ng sari-saring memes ng netizens na may malikhaing imahinasyon.
As of 11:20 a.m., May 23, 2024, mayroon nang 53.5K Instagram followers si Chelsea .
Bago siya manalo, 15,600 lamang ang bilang ng mga tagasubaybay niya.
Isa itong pahiwatig ng kanyang instant popularity dahil marami ang naintriga sa panalo niya.
Sa mga panayam kay Chelsea, ikinuwento nito na ang kanyang mga magulang ang pumasok sa isip niya nang ideklarang siya ang nagwagi ng korona at titulo ng Miss Universe Philippines. Katuparan daw ito ng kanilang mga pangarap.