Sa kabila ng paghingi ng paumanhin ng mga nag-organisa ng 72nd FAMAS dahil sa naging trato nila sa beteranang aktres na si Eva Darren, patuloy ang pagbatikos sa kanila.
Hindi matanggap ng netizens ang katuwirang hindi mahanap si Eva sa loob ng Manila Hotel kaya ipinalit sa kanya bilang award presenter at kapareha ni Tirso Cruz III ang singer na si Sheena Palad.
Read: Veteran actress Eva Darren, dinisrespeto sa 72nd FAMAS Awards?
Reaksiyon nga ng anak ni Eva na si Fernando de la Peña sa paliwanag ng FAMAS: "My mother was seated front and center, same table as Tita Marissa Delgado and my Ninang Divina Valencia! It is impossible not to find her."
Read: FAMAS apologizes to veteran actress Eva Darren
SHEENA PALAD'S boyfriend aSPEAKS UP ON eva-darren FAMAS ISSUE
Si Sheena ay nakababatang kapatid ni Felson Palad, ang asawa ni Donita Rose.
Kabilang siya sa mga grand finalist sa Tanghalan ng Kampeon ng TiktoClock na magaganap sa susunod na buwan, Hunyo 2024.
Sumali rin siya sa "Bida Next," ang talent search ng Eat Bulaga! para sa kanilang bagong co-host, noong 2023.
Dahil si Sheena ang kapalit ni Eva, nadadamay siya sa mga batikos.
Nagpaliwanag at ipinagtanggol siya ng kayang boyfriend na si Johann Eriquez,
Si Johann ang isa sa mga host ng 72nd FAMAS Awards.
Read: 72nd FAMAS: Kathryn Bernardo, Piolo Pascual, Alfred Vargas win top acting honors
Sa pamamagitan ng Facebook post, ipinaliwanag ni Johann ang kanilang panig tungkol sa isyu.
Lahad niya (published as is): “Ok, so to clear the air, the 'young singer' being referred to was my girlfriend Sheena Lee.
“She was on standby for a prod number and was informed on the spot to present with sir Tirso Cruz III. And I’m sure FAMAS will take this mishap seriously and responsibly.
“I deeply empathize with Madam Eva Darren and the whole family. I’m sure I would have felt the same resentment had it happened on our end.
“But please, let’s stop the hate and keep supporting each other, countrymen! All for the Philippine movie and entertainment industry.”
Ikinagulat din ni Johann ang reaksiyon ng mga tao sa insidenteng hindi naman ninais mangyari ng kanyang kasintahan.
Aniya (published as is), “I’m amazed by how people can easily ride the bandwagon, criticize, bash and hate without even realizing the whole story while people get victimized. I’m so grieved by this culture. Let’s grow up even just a bit, fella’s!”
SYMPATHY FOR EVA DARREN
Dumami ang mga nakikisimpatiya kay Eva dahil sa awa nila sa premyadong aktres
Bumili pa ang beteranang aktres ng bagong damit at sapatos, at gumastos ng PHP20,000 para sa pagkain nila ng kanyang tatlong apo na isinama niya sa gabi ng parangal ng FAMAS na ginanap sa Manila Hotel noong Mayo 26, 2024, Linggo.
Pero nabalewala ang mga paghahanda ni Eva dahil hindi natupad ang pangakong inimbitahan siya sa 72nd FAMAS para magpakilala sa mga pararangalan, kasama si Tirso.
Isa ang writer/director/actress na si Bibeth Orteza sa mga nakikisimpatiya kay Eva dahil sa karanasan.
Kaugnay nito, naglabas siya ng panawagan sa pamunuan ng FAMAS na bayaran ang mga nagastos ng beteranang aktres, na hinirang na best supporting actress ng FAMAS noong 1970 para sa kanyang paggaganap sa Ang Pulubi.
“The FAMAS should issue a public apology for Ms Eva Darren, and reimburse the 20k she paid for her and her grandkids' dinner.
“Lest the organization gets tagged as FASCAM Awards,” apela ni Bibeth sa Facebook post nito.
Nadagdagan ang pagkadismaya ni Bibeth nang makatanggap siya ng kopya ng listahan ng mga award presenter, pero ang pangalan ni Nova Villa at hindi si Eva ang nakalagay na kapareha ni Tirso.
“And this. How will the FAMAS explain this? Ano ba talaga ang tutoo? Hindi nila makita nong awards' night, o talagang hindi naman pala kasali sa presenters, siningil lang ng 5k per plate na dinner sina Ms. Eva at ang tatlo niyang apo?” nagtatakang tanong ni Bibeth.