Labing-anim na aspiring hosts ang mga estudyante ng King of Talk na si Boy Abunda sa hosting workshop nito na ginanap sa isang events place sa Quezon City noong Miyerkules, Hulyo 31, 2024.
Kabilang dito ang Sparkle stars na sina Shuvee Etrata, Anjay Anson, at Sean Lucas; former PBB housemate Lou Yanong; Vivamax actor Armani Hector; actor Kych Minemoto; Wil To Win online host Gab Basiano; at ang asawa ni Rocco Nacino na si Melissa Gohing.
Read: Boy Abunda nagbigay ng hosting, public speaking workshop sa Kapuso stars
Ilan sa mga estudyante ni Boy na walang koneksiyon sa showbiz ang hindi niya personal na kilala.
Nakasalubong lamang siya ng mga ito, lumapit, at nagsabi sa kanyang, “Tito Boy, turuan mo naman ako dahil kulang pa ang kaalaman ko sa hosting.”
INSPIRED BY NATIONAL ARTIST RICKY LEE
Pangunahing layunin ni Boy na tulungan at turuan ang mga kabataang nangangarap magkaroon ng hosting career.
Ito ang dahilan kaya itinatag niya ang House of Hosts.
Paliwanag ng TV host, “Nakikita mo na ang laki-laki ng potensiyal pero wala kang ginagawa.
"I see vloggers who are really promising.
"Yung parang, you have a sense of guilt, a good kind of guilt na, 'Can I do something?'
"And that’s where I am right now."
Read: Boy Abunda writes songs for the LGBTQ community
Naisakatuparan ni Boy ang kanyang adbokasiya dahil inspirasyon niya ang National Artist for Film and Broadcast Arts na si Ricky Lee.
Saad ni Boy: “I put up House of Hosts. It’s inspired by many people. Para siyang workshop.
"I am inspired by Ricky Lee, the National Artist, he’s a friend of mine.
“Si Ricky, napaka-generous, nagwo-workshop sa bahay. He serves food to his workshoppers.
"Yung point na parang ang sarap ng generosity ni Ricky. Nagagalingan ako.
“When at a time that he doesn’t have to do it, but he’s been doing workshops for so long, long time now.”
HOUSE OF HOSTS
Natutuwa si Boy sa ipinakitang interes na matuto ng kanyang labing-anim na mag-aaral, na walang ginastos dahil libre ang pagtuturo niya.
“Ako naman, I put up the House of Hosts where I would have young fledgling hosts who want to break into the market.
“Iba-iba kasi, ngayon lumawak na. May pang-beauty contest, may pang-event, telebisyon, radyo, may pang-vlogs."
Patuloy niya, “I would like to learn along. Inumpisahan ko na ng independent sessions until eventually I would have a core group of hosts.
“Na parang kung maghahanap ng host for a wedding, you know where to go.
"It also becomes a management house pero hindi kailangan ako ang manager mo, yung House of Hosts.
“Puwedeng you’re manage by a manager, puwede kaming mag-co-manage.
"Puwede rin kaming mag-book. Puwede rin kaming maging contract reader lang.
“Halimbawa, for a single gig, puwede kang mag-host pero we will do the contract because you will be a part of our continuous learning sessions.”