Nagbukas ng sangay ang Muhlach Ensaymada, ang family business ng aktor na si Niño Muhlach, sa isang mall sa Cebu City noong Setyembre 1, 2024.
Ito ang dahilan ng pagpunta ng pamilya nila sa siyudad.
Kasama sa mga bumiyahe ang mga anak ni Niño na sina Sandro at Alonzo Muhlach, ang ama niyang si Alex Muhlach, at ang karelasyon nitong si Mae Fortaleza.
Read: 82-anyos na ama ni Niño Muhlach, 30-anyos ang karelasyon
Ang Cebu trip ang unang out-of-town trip ni Sandro matapos nitong amining biktima siya ng sexual harassment at maghain ng reklamo sa Department of Justice laban sa GMA-7 independent contractors na sina Jojo Nones at Richard "Dode" Cruz.
Read: Sandro Muhlach, idinetalye ang naranasan umanong pang-aabuso
Pinayuhan si Sandro ng kanyang mga doktor na magbakasyon dahil kailangan na kailangan niyang magkaroon ng kapayapaan ng pag-iisip.
Nakatulong kay Sandro ang ilang araw na pagbabakasyon sa Cebu para mabawasan ang matinding stress na dulot ng kontrobersiyang kinasasangkutan niya.
MUHLACH FAMILY
Kilala sa mahigpit na pagkakabuklod ang pamilya Muhlach kaya karamay sila ni Sandro sa mabigat na pagsubok na pinagdaraanan nito sa kasalukuyan.
Read: Muhlach family declares war amid controversial issue
Ang partner ni Alex Muhlach na si Mae Fortaleza ay nagbahagi sa Facebook ng larawan nilang kuha nang magsimba sila sa dinarayong simbahan sa Cebu.
Mensahe niya, “hindi lang sa problema umiikot ang buhay Sandro Muhlach. nandito kami, pamilya, kaibigan mo, gagabay sayo. kasama mo kami sa laban mo. mahal ka namin Doy”
Malinaw na pagpapakita ito ng kanilang buong-buong suporta sa 23-year-old actor, na aminadong nakakaramdam ng pandidiri sa sarili sa tuwing maaalala ang diumano’y pang-aabuso na ginawa sa kanya nina Nones at Cruz.
Kasama ang pamilya, namataan si Sandro na nagsimba sa Basilica Minore del Santo Niño de Cebú.
Nakita rin siyang ipinagdarasal ng mga kababayan natin sa Cebu na alam ang mabigat na problemang dinadala niya at nagbigay sa kanya ng trauma.
Read: Sandro Muhlach visits Cebu church amid sexual assault issue
