Malaki ang posibilidad na muling mapanood sa telebisyon ang Maalaala Mo Kaya o MMK.
Ang MMK ang Asia’s longest-running drama anthology na napanood sa ABS-CBN mula Mayo 15, 1991 hanggang Disyembre 10, 2022.
Read: Maalaala Mo Kaya to end its 31-year run this December
Nagkakaroon na ng mga pag-uusap tungkol sa planong ibalik ang weekly drama program ni Charo Santos-Concio, at maaaring mapanood ito sa TV5.
Tiyak na ikatutuwa ng matatapat na tagasubaybay ng MMK ang balita tungkol sa posibleng pagbabalik sa telebisyon ng programang naging bahagi ng kanilang mga buhay sa loob ng tatlumpu’t isang (31) taon.
Lalo na't hindi nila nakalilimutan ang mensahe noon ng pamamaalam ni Charo: “Kung mauulit man ang lahat, hindi po ako magdadalawang-isip na piliin muli ang role na ito. Kulang po ang tatlumpu’t isang taon para magpasalamat sa inyo.”
GAME SHOW FOR A KAPAMILYA STAR
Hindi lamang ang binabalak na pagbabalik sa MMK sa telebisyon ang impormasyong nakarating sa Cabinet Files.
Diumano, nasa planning stage na rin ang game show na pangungunahan ng isang sikat na contract star ng ABS-CBN.
May kinalaman sa barangay ang pamagat ng pinaplanong game show na tiyak na pang-masa at isang bagong kabanata sa entertainment career ng popular star.
Tila inihahanda ang popular star para maging game show host dahil sa pansamantalang pagkawala ni Luis Manzano kapag nag-umpisa na ang pangangampanya nito sa Pebrero 11, 2025.
Tatakbo si Luis sa pagkabise-gobernador ng lalawigan ng Batangas sa eleksyon na magaganap sa Mayo 12, 2025.
Read: Vilma Santos, sons Luis and Ryan file COC in Batangas