Ginawaran ng Best National Host Tour Country special award ang creative director ng Miss Universe Philippines na si Jonas Antonio Gaffud.
Ipinagkaloob kay Jonas ang pagkilala sa preliminary competition ng Miss Universe 2024 na ginanap sa Arena Ciudad De Mexico, Santa Barbara, Mexico City, noong Huwebes, Nobyembre 14, 2024.
Ang parangal ay mula kay Raul Rocha ng Miss Universe Organization.
Read: Jonas Gaffud recounts first-hand experience of Itaewon Halloween crush
Malaki ang pagpapahalaga ni Jonas sa parangal na ibinigay ng Miss Universe Organization dahil katuparan daw ito ng isang pangarap na nabuo noong maliit na bata pa siya.
Mensahe ni Jonas, “So happy and proud to accept an award given by the most prestigious pageant in the world, the Miss Universe Beauty Pageant.
“Who would have thought that a young boy in a small province would walk into the Miss Universe stage and get an award?
"For all of you dreaming out there, just work hard, success will come later.
"I would like to give thanks to the whole Miss Universe Philipines and Empire.ph team. This one is for you."
View this post on Instagram
JONAS GAFFUD'S BEAUTY-PAGEANT JOURNEY
Nasaksihan ng Cabinet Files ang beauty-pageant journey ni Jonas.
Co-founder siya ng Aces & Queens, ang beauty camp na tumutuklas at nagsasanay ng mga kababaihang nagkaroon ng mga beauty title.
Kabilang sa beauty queens na produkto ng Aces & Queens sina Zorayda Ruth Andam, Gionna Cabrera, Lia Ramos, Venus Raj, Ariella Arida, Shamcey Supsup, Janine Tugonon, at Miss Universe 2015 Pia Wurtzbach.
Read: Jonas Gaffud, sinagot ang isyung iniwan nila si Celeste Cortesi matapos maligwak sa Top 16
Co-founder din si Jonas ng Mercator Artist and Model Management.
Kabilang sa mga pinasikat niyang modelo sa Pilipinas ang Brapanese o Brazilian-Japanese models na sina Daniel Matsunaga, Fabio Ide, Akihiro Sato, at Hideo Muraoka.
Nang umalis si Jonas sa Aces & Queens, itinatag niya ang Empire Holdings Inc. o Empire.ph, ang organizer ng The Filipino Festival.
Si Jonas ang CEO ng Empire.ph. Kabilang sa mga proyekto niya ang The Miss Philippines at Mister Pilipinas Worldwide pageants.
Ang Empire.ph ang may hawak ng franchise at nagpapadala ng mga kinatawan ng Pilipinas sa mga international pageant na Miss Charm, Miss Cosmo, Mister Supranational, Mister International, Mister Global, Manhunt International, Man of the Year, at Mister Cosmopolitan.
Ni sa panaginip, hindi umano pumasok sa isip ni Jonas na darating ang panahong mangyayari ang kanyang imposible pero nagkatotoong mga pangarap — ang magkaroon ng malaking kontribusyon sa Miss Universe at sa iba’t ibang mga international pageant.
Natupad daw ito dahil sa kanyang sipag, tiyaga, paniniwala sa kakayahan niya, taimtim na pagdarasal, at paghingi ng tulong mula sa Panginoong Diyos.