“Gold Standard Actress of Philippine Cinema” ang pakilala sa seasoned at award-winning actress na si Hilda Koronel nang humarap ito sa mga miyembro ng entertainment press ngayong Martes, Disyembre 17, 2024.
Humarap sa media si Hilda para sa official announcement ng kanyang comeback film, ang Sisa.
Read: Legendary actress Hilda Koronel, balik-Pinas at balik-pelikula
Nangyari ang kuwento ng Sisa noong 1902, ang panahon ng digmaan sa pagitan ng mga Pilipino at ng mga Amerikano na sumakop noon sa ating bansa.
Ang pangalan ng karakter ni Hilda sa pelikula ay Sisa, isang espiya na nagpanggap na baliw.
Sina Eugene Domingo at Jennica Garcia ang dalawa sa mga artistang makakasama niya sa pelikula.
Ang Sisa ay mula sa panulat at direksiyon ni Jun Lana.
Read: Dating aktres na si Hilda Koronel, nagkaroon ng rare public appearance sa Amerika
HILDA KORONEL: THE GRAND COMEBACK
Inilahad ni Jun na tungkol sa isang nakalimutang bahagi ng kasaysayan ng Pilipinas na hindi nauunawaan ng karamihan ang kuwento ng Sisa.
“It’s a forgotten part of history, the Philippine- American war,” sabi ng writer-director.
“Nobody truly understands what happened during that time. For the longest time, I’ve been collecting a lot of books and research materials on the Philippine-American war.
"I don’t know kung bakit ako obsessed sa American occupation war. There’s just so many stories that I think need to be told and this is one of the stories.”
Idinagdag ni Lana na hindi siya makapaniwalang darating ang panahong mabibigyan siya ng pagkakataong makatrabaho ang isa sa mga respetadong aktres na kanyang hinahangaan.
“Our producers moved heaven and earth to make sure na matuloy yung project and now, we are here at hindi rin ako makapaniwala.
“Pero ang unang-una, kilig na kilig po ako na makatrabaho si Miss Hilda, oh my God. The first time we met dun sa Metro Manila International Film Festival sa USA.”
Read: MIFF Day 3 sidelights: Christopher de Leon "sinorpresa" ni Vilma Santos
View this post on Instagram
Hindi naman nagdalawang-isip si Hilda na tanggapin ang Sisa.
“It was a great presentation, that’s why. Sa synopsis pa lang…” sabi ng aktres.
Ang The IdeaFirst Company,OctoberTrain Films, CMB Films, at CineKo Productions ang mga producer ng Sisa; samantalang international producing partner naman ang The Forever Group of Myanmar.
Pinasalamatan ni Perci Intalan ng The IdeaFirst Company ang lahat ng mga sumusuporta sa Sisa, na hudyat ng pagbabalik ni Hilda sa paggawa ng pelikula, makalipas ang labindalawang taon.
“So this early, we also received a lot of support for many individuals and this is how this project happened,” pahayag ni Perci sa welcome media conference para kay Hilda na naganap sa isang hotel sa Quezon City.
“Isa sa angels namin is Miss Shirley Kuan, who made these all happen, the manager of Hilda.
“Thank you to all of you for sharing our excitement in bringing to the big screen Miss Hilda Koronel as Sisa as envisioned by Direk Jun.”
Read: Hilda Koronel remembers ex-husband Jay Ilagan; on good terms with Amy Austria