Ginugunita ng mga nagmamahal kay Jaclyn Jose ang unang anibersaryo ng pagpanaw ng multi-awarded actress ngayong Linggo, Marso 2, 2025.
Kabilang ang award-winning writer-director na si Adolf Alix Jr., isa sa mga malapit na kaibigan ni Jaclyn, sa hindi nakalimot na gunitain ang mga alaala ng aktres.
Read: Jaclyn Jose: A life lived like in the movies
“It’s been a year. Your memory brings both tears and smiles and I am forever grateful for the privilege of being your family and friend. You might be gone but your legacy lives on!
“We shall continue to celebrate the incredible life you lived and the profound impact you had on everyone lucky enough to know you.
"We miss you dearly Ms. Jane! Cheers in heaven!” mensahe ni Adolf para sa unang anibersaryo ng kamatayan ng aktres.
May isang pelikula si Jaclyn na hindi nito natapos dahil sa kanyang biglaang pagpanaw.
Ito ay ang Acetylene Love na mula sa direksiyon ni Adolf.
Bilang pagpupugay kay Jaclyn, tatapusin ni Adolf ang Acetylene Love kaya idinagdag niya si Rosanna Roces bilang isa sa mga bida ng pelikula.
Read: Multi-awarded actress Jaclyn Jose dies at 60
ANDI EIGENMANN'S TATTOO
Samantala, nagpa-tattoo ang anak ni Jaclyn na si Andi Eigenmann ng palm branch sa braso niya, ilang araw bago ang unang anibersaryo ng kamatayan ng kanyang ina.
Ang palm branch ang ipinalagay ni Andi dahil ito ang simbolo ng Palme d'Or, ang pinakamataas na parangal sa Cannes International Film Festival.
Noong 2016, si Jaclyn ang itinanghal na Best Actress sa 69th Cannes International Film Festival para sa kanyang pagganap sa pelikulang Ma'Rosa.
Siya ang kauna-unahang Pilipino na nanalo ng prestihiyosong parangal.
Read: Jaclyn Jose wins Best Actress at Cannes for Ma' Rosa
Ang pagdalo nila ng kanyang ina sa 69th Cannes International Film Festival ang isa sa mga hindi malilimutang karanasan ni Andi.
Ang palm branch ang logo ng Palm D’Or at simbolo ng Cannes, France, dahil “Palm is the pride of the victor” ang kasabihan ng mamamayan ng naturang bayan.
Ayon sa alamat, umakyat sa isang puno ng palma si St. Honora para magdasal sa Panginoong Diyos na puksain ang mga makamandag na ahas sa Lerins, ang pinakamaliit na isla sa Cannes.
Pinakinggan umano ng Diyos ang dasal ni St. Honora dahil nagkaroon ng malakas na alon na lumipol sa mga ahas sa isla ng Lerins.
Read: Andi Eigenmann dedicates new tattoo to late mother Jaclyn Jose