"Natural entrepreneur” ang pagsasalarawan ni Vic del Rosario kay Alden Richards sa contract signing para sa pagsasanib-puwersa ng kanilang mga kompanya — ang Viva Group of Companies ni Boss Vic at ang Myriad Entertainment Corporation ni Alden.
Ginanap ang contract signing sa Viva office sa Mandaluyong City noong Huwebes, Marso 27, 2025.
Humingi muna ng pahintulot kay Boss Vic si Alden bago niya ibinahagi ang kuwento ng kanilang pag-uusap.
Read: Alden Richards looks forward to new business opportunities
Lahad ng Kapuso star: “Tinanong po ako ni Boss Vic after Concha’s food tasting.
“Sabi niya, ‘Ilang taon ka na?’ Sabi ko, 'Thirty-three po, Boss.'
“Sabi ni Boss Vic sa akin, 'By the age of 40, if you continue doing these, you will be a multi-billionaire. You just have to make yourself famous.'”
Hindi imposibleng magdilang-anghel si Boss Vic dahil sa dedikasyon at sipag na ipinakikita ni Alden.
Kasama sa partnership nila ng Viva Foods International ang pagbubukas sa mga mall sa buong Pilipinas ng Concha’s, ang Filipino restaurant na pag-aari ng aktor.
Magkakaroon na rin si Alden ng pangalawang sangay ng McDonald’s sa Laguna.
Read: Alden Richards gives a first look at his restaurant in Quezon City
NEW CHAPTER IN ALDEN'S BUSINESS CAREER
Tuwang-tuwa si Alden sa bagong kabanata ng buhay niya bilang negosyante.
Saad niya: “Just to give everyone an overview about what’s happening here, a few years ago, this already has been happening between Myriad Entertainment Corporation and Viva, when it comes to the partnership.
“So I was so ecstatic and so excited to learn about how Boss Vic was very excited to partner with my company, in terms of a lot of projects, not only in the entertainment industry but also in the food industry as well."
Ang isang natapos nang partnership ng dalawang kompanya ay ang directorial debut ni Alden, ang pelikulang Out of Order, na nakatakdang ipalabas sa Netflix ngayong 2025.
Si Alden din ang bida rito kapareha ang Viva artist na si Heaven Peralejo.
Pagbabahagi ng actor-entrepreneur: “Yung project na nagawa ko na po, which is already done, is yung Out of Order which is coming out this year.
"And I am really proud to say that it’s gonna be competing in four international film festivals this year also before we air it on Netflix.
“And there are a lot of projects in store for us as well, and there’s gonna be a partnership between one of my restaurants po and Viva Foods International."
Read: Alden Richards is now a Businessman Bae
ALDEN RICHARDS ON BEING CALLED "BOSS ALDEN"
Dahil sa dami ng mga proyektong gagawin nila ng Viva Group of Companies, "Boss Alden" na ang pabirong tawag ng entertainment press kay Alden.
Tawang-tawa naman ang Kapuso star dahil hindi siya kumportableng tawaging “Boss.”
Saad niya: “Parang everything fell into place.
"With the trust and confidence of my boss, napu-fuel po yung creativity ko and my passion for the industry and the business aspect as well, because I consider them as my mentors.
“Sobrang grateful lang po ako and I am just so blessed with the opportunity that Viva, Boss Vic and, of course, Kuya Vincent has given me and my company because nae-empower po ako with these kind of partnerships.”
Kasama sa ginanap na contract signing si Vincent del Rosario, ang Viva Communications president at CEO at anak ni Boss Vic.
Read: PEP Most Influential 2024 Sure Bet: Alden Richards
Umaasa si Vincent na pangmatagalan ang pakikipagsosyo nila kay Alden.
“In behalf of Viva, very excited kami with the different collaborations that we’re having with Alden,” sabi ni Vincent.
“Excited kami sa project pagdating sa food na isa sa mga inaalagaan namin na business lines with Viva.
"We’ve sat with Alden several times, talking about iba’t ibang opportunities na magsama kami.
"And na-realize namin na si Alden is beyond being an actor.
“Ang lalim ng kanyang understanding ng negosyo. Very practical siyang mag-isip. Kami man, natututo sa kanya.
“We’re hoping na mahaba ang pagsasama na ito and, again, salamat sa opportunity for allowing us to partner with Myriad.”
Nagpahayag naman ng kasiyahan si Boss Vic sa mga proyektong gagawin nila ni Alden.
Ayon kay Boss Vic: “Malawak ang aming samahan. Kailangan beyond business.
"Personally, happy kaming makanegosyo si Alden.
“He has the vision. Yung vision niya saka aming vision, pareho.
"Masarap ka-partner, hindi matanong. Basta’t napag-usapan, sarado na.
“Yung kanyang Filipino restaurant [Concha's]... ang Viva Foods puro foreign brands, e, naghahanap ako ng masarap na Filipino food restaurant.
“Nag-usap kami ni Alden, sabi niya, ‘Meron na ako.’
"So, sabi ko, 'Punta tayo, tikman natin ang pagkain.'
"When we went there, napakasarap.
“Actually, hindi pa dapat i-announce pero excited na kami magsama,” lahad ni Boss Vic habang nakikinig si Alden.
Read: Alden Richards on being financially stable and settling down: "Puwede na po."