Bilang pagbibigay-pugay sa mga alaala ni Nora Aunor, plano ni Alfred Vargas na muling ipalabas ang Pieta sa mga piling sinehan.
Libre raw itong mapapanood ng mga tagahanga ng pumanaw na National Artist for Film and Broadcast Arts sa piling sinehan.
Ang AV Cinema ni Alfred ang producer ng Pieta, ang isa sa huling pelikulang ginawa ni Nora at ang unang proyekto na nakatrabaho ng aktor ang kanyang iniidolo at iginagalang na showbiz icon.
"As a tribute to our one and only Superstar, I’m planning to show PIETA in selected cinemas nationwide, for free, later this year, para mapanood ng Noranians ang isa sa mga pinakahuling obra ni Ms. Nora Aunor,” ang pahayag ni Alfred sa panayam sa kanya ng Cabinet Files.
Read: Why Ruby Ruiz declined offer to be Nora Aunor's PA
ALFRED VARGAS ON WORKING WITH NORA AUNOR IN PIETA
Malaking karangalan para sa kanya ang makatrabaho at makilala nang lubusan ang Superstar.
At labis ang kanyang pagkagulat sa balitang pumanaw na ang aktres.
"I felt broken-hearted. Nalungkot ako nang sobra.
"Parang kailan lang kasi, kasama ko siya sa shooting ng Pieta. Malakas pa siya nun saka ang dami naming memories together,” ang lahad ni Alfred.
May time nga raw na tuwang-tuwa siya dahil pinuri siya ni Nora sa isang eksena.
"I remember, the times na kinilig ako sa kanya. As in startstruck ako!
"Hindi ko ma-explain kung bakit, pero kahit artista rin naman ako, kapag nakakasama ko siya, may something talaga.
"May magic. May charisma siya.
"Merong time when we finished doing a scene sa Pieta, medyo mahirap ang eksena at napaka-important ng scene sa kuwento, pinapanood namin yung preview sa monitor, magkatabi kami, tapos tinapik niya ako at sinabi niya sa akin, ‘Alam mo ang galing mo dito.’
"'Grabe, kinilig ako nang sobra-sobra.
"For THE Nora Aunor to say that to me, talagang na-inspire ako lalo at mas binigay ko pa ang todo ko as an actor."
Read: Alfred Vargas, napatunayan ang "Nora Aunor magic"
LESSONS ALFRED VARGAS LEARNED FROM NORA AUNOR
Ano ang mga aral sa buhay na natutunan mo mula kay Nora?
Binanggit ni Alfred ang isang linya mula sa kanyang mahabang Instagram post:
"The most important lesson I learned from you is that: TRUE STARS SHINE BECAUSE OF THEIR HUMILITY AND GENEROSITY IN EVERYTHING THEY DO AND WHOEVER THEY MEET."
Hindi rin daw niya makakalimutan ang multi-awarded actress bilang katrabaho.
Ayon sa mensaheng ipinadala niya through Cabinet Files (published as is):
"Sa iyo ko naramdaman ito nang sobra, Ate Guy. Working with you has been one of the greatest honors of my life.
"As an actor and as a human being, you have touched my heart.
"You have taught me so much without saying anything and you have inspired me tremendously by mentoring me through our scenes together.
"PIETA will always be one of the most special and favorite films I’ve done my entire life because of you.
"Rest in peace, Ate Guy, mahal na mahal kita."