Nadamay si Kylie Verzosa sa isyu sa pagitan nina dating Miss Grand International 2024 Rachel Gupta ng India at Miss Grand International Organization (MGI) founder Nawat Itsaragrisil.
Read: Kylie Verzosa chooses to keep her relationship private
Naglabas si Nawat ng larawang nagpapakita ng diumano'y contact information ni Rachel.
Nakalagay dito ang pangalan ng Indian beauty queen, birthday (na binilugan), gender, at supposed cellphone number and email address niya.
Sa gawing itaas, makikita ang text na "Her passport 13/1/2004."
Read: Rachel Gupta reveals MGI's "harrassment, mental torture, mistreatment"
Gustong i-point out ni Nawat na magkaiba ang birthdate na diumano'y nilagay ni Rachel sa petsa na nasa passport niya.
Pero napansin din ng author na ito ang "email address" ni Rachel: Talaga bang rachelsmellyarmpit@yopmail.com saka missgrandspain@gmail.com?
Nawat Itsaragrisil's blunder
Ang siguradong mali ay ang cellphone number dahil may ibang nagmamay-ari nito: si Kylie pala!
Binura na ni Nawat ang post, pero paano nalamang kay Kylie ang phone number?
Ni-repost din kasi ng MGI big boss ang private message ni Kylie na (published as is):
"i sent you and your team a message. You accidentally posted the wrong number that happens to be mine.
"I don’t know how it ended up there or why you have it but I am getting bothered by calls by the minute. Please take it down."
Makikita rin sa repost ang sagot ni Nawat kay Kylie:
"Hi deleted it already. Someone sent to ask me and I just saw the name and my reply to mg IG story. I do apologize again.”
Pero kahit deleted na ang post niya, marami na ang nakakuha ng screenshot.
So nung isiniwalat pa niyang si Kylie ang owner ng number, ang naabala ay ang Pinay beauty queen-actress.
KYLIE VERZOSA'S PRIVACY COMPROMISED
Humingi man si Nawat ng paumanhin, naperhuwisyo na nang husto si Kylie to the point na siya na lang ang gumawa ng paraan.
Pinalitan ng Pinay beauty queen-actress ang personal mobile phone number na matagal na niyang ginagamit.
Sa kanyang social-media posts, ipinaalala ni Kylie sa lahat na "privacy is a right.” Kinuhanan din niya ng video ang dami ng unknown numbers sa call log niya.
Ang buong pahayag niya: “After my number was posted online for hours, and my efforts to have it taken down privately, the messages haven’t stopped.
"I value my privacy and my peace a lot and this has honestly been invasive.
"I had to let go of my number I’ve used for over a decade and my security compromised.
"I know many of your messages are sweet but I hope you understand that this isn’t fun for me.
"Be mindful of what you post, share and choose to believe online. Privacy is a right."
Advocate pa man din ng mental health ang Miss International 2016 titleholder kaya mauunawaan ang labis niyang pagkabahala nung bigla na lang siyang nakatanggap ng mga calls at messages mula sa mga hindi kilalang tao.