Inaprubahan ng Regional Trial Court Branch 17 ng Kidapawan City, Cotabato, ang petisyong preliminary injunction ng reggae singer na si Elias Lintucan Jr. aka Elias J.TV at ang mga miyembro ng banda nito.
Naghain si Elias at ang Elias J.TV band ng petisyon laban sa kanilang talent manager na si Beverly Pumicpic Labadlab para sa declaration of nullity of contract and/or cancellation of contract, accounting, damages and attorney’s fees with prayer for issuance of TRO and/or preliminary injunction.
Sa resolusyong nilagdaan ni Presiding Judge Arvin Balagot at may petsang Setyembre 16, 2025, ipinagkaloob ng Regional Trial Court Branch 17 ang preliminary injuction na hiniling ng grupo.
Read: Elias J. TV files petition to cancel contract with talent manager
Nakasaad sa bahagi ng resolusyon: “Wherefore, premises considered, the Court hereby GRANTS the application for the issuance of a Writ of Preliminary Injunction in so far as the acts enumerated Paragraph 1 (a), (b), and (c) are concerned.
"The acts mentioned in paragraph (1) (d), and (e) are denied.
"The Writ of Preliminary Injunction shall be issued upon the Plaintiffs’ posting of an injunction bond in the amount of Php 1,500,000.00 to answer for whatever damages the Defendant may suffer should it later be adjudged that the injunction was improvidently issued.”
ELIAS J.TV LEGAL COUNSEL EXPLAINS COURT DECISION
Para higit maging malinaw sa mga tagahanga ni Elias ang desisyon ng korte, ipinaliwanag ito ng legal counsel ng singer na si Atty. Israelito Torreon sa pamamagitan ng kanyang Facebook post.
Saad niya: “Na-grant ang Preliminary Injunction ni Elias Lintucan and his band members laban kay Beverly Labadlabad!
"Ang ibig sabihin po nito ay habang pending po ang kaso, hindi na pwede makialam si Beverly sa mga professional affairs ni Elias at ang banda.
“Sa mga fans po ni Elias, iklaro lang natin na granted yung Preliminary Injunction ni Elias against Kay Ma’am Beverly Labadlabad specifically yung paragraphs a, b and c.
“Ang ibig sabihin nyan sa unang paragraph ay pinagbawalan na si Ma’am Beverly Labadlabad na habang pending ang kaso, na mag-represent sa banda as manager, agent or authorized representative.
“So wala na siyang karapatang mag-represent sa banda habang pending ang kaso.
“Pangalawa, bawal na siya magkolekta o magtanggap ng bayad para kay Elias at sa banda.
“Pangatlo, bawal na siya magpasok ng maski anong kontrata na may kinasasangkutan ng banda o kay Elias.
"Sa madali’t sabi po, pwedeng sabihin nina Elias at mga kasama niya na hanggang pending ang kaso 'BABAY MA’AM BEVERLY!'"
Read: Elias J.TV naiipit sa alitan ng kanyang partner at manager
May sagot din si Atty. Torreon sa PHP1.5 million bond post ni Elias sa korte.
Paliwanag ng abugado: “Bakit naman kailangan ni Elias mag-post ng P1.5 million? Kasi requirement ito ng batas (Rule 58 Revised Rules of Court) na kung ibigay yung hinihiling mo na Preliminary Injunction ay mag-post ka ng bond o deposito dahil kung makitang nagkamali ang korte sa pagbigay nito ay puwedeng i-award ito sa Defendant pero kung hindi naman ay ibalik ito kina Elias.”
Sinabi ni Torreon na tuwang-tuwa si Elias sa Preliminary Injunction na ipinagkaloob ng korte.
Isinampa ni Elias at ng banda ang petisyon nila laban kay Beverly noong Agosto 7, 2025.
Sinabi ng grupo sa kanilang salaysay sa Regional Trial Court ng Kidapawan City na nais nilang mapawalang-bisa ang kontrata kay Beverly bilang kanilang manager.
Sa idinaos na media conference noong nakaraang buwan, inilahad ni Elias na ayaw na niya si Beverly bilang manager ng kanilang banda.
Dagdag nito, hindi siya makapagtatanghal nang maayos dahil apektado na ang kanyang pamilya dahil sa diumano'y paninira ni Beverly.
Read: Elias J. TV files petition to cancel contract with talent manager