Binasag na ni Jillian Ward ang kanyang pananahimik tungkol sa mga paninira at malisyosong akusasyon laban sa kanya at sa kanyang ina na si Jennifer Ward.
Sa panayam niya sa Fast Talk With Boy Abunda ngayong Martes, Oktubre 21, 2025, bumuhos ang luha ni Jillian dahil labis daw siyang nasasaktan.
Diretsahang tanong sa kanya ng host na si Boy Abunda: "Ibinubugaw ka ng sarili mong ina?"
Read: Jillian Ward's Debut Highlights
Pahayag ni Jillian: “Yung sinasabi po nila na ibinebenta daw ako ng mother ko kaya daw po ako may mga investment.
“Siyempre, nakakabastos po yun sa mother ko, kasi iniisip ko din yung fifteen years of hard work ko.
"Parang itinatapon lang nila lahat ng iyon dahil sa fake news. Sobra po yung disrespect talaga sa comments.”
Lumuluhang pagpapatuloy ng Kapuso actress: “Sobrang sakit talaga, Tito Boy, kasi my parents didn’t raise me that way.
"And lahat ng meron ako, pinagpaguran ko, and my mom would never do that to me.
“And sobrang nasasaktan ako kasi hindi po talaga ganoon yung mom ko.
"Sorry, kasi nadadamay siya sa lahat ng ito. Nananahimik yung mother ko.
“Actually, lahat po ng pinag-iipunan ko, walang kinukuha yung mother ko.
"Lahat po ng meron ako, hinahayaan niyang i-invest ko for myself."
Diin ni Jillian: “Uulitin ko po, everything I have, everything I own, everything I post, everything I flex, I bought it with my own money.
"Alam po ng GMA yan. Alam ng lahat ng kaibigan ko. Alam mo po yan, Tito Boy.
“I would not lie about that, so I am so offended for my mother especially, kasi she did not raise me that way.”
Read: Jillian Ward speaks up on malicious speculations about her
JILLIAN WARD ON "SPONSOR" RUMOR
Sinagot din ng 20-year-old actress ang isyu na, diumano, nakunan ng CCTV ang pagdaan ng “sponsor” sa back door ng hotel na pinagdausan ng kanyang debut party noong Pebrero 25, 2023.
Saad ni Jillian: “Sinasabi nila meron daw CCTV footage. Pumupunta daw ako sa hotels to be with old men na binibigyan po ako ng cars. Ini-sponsor-an yung debut ko.
“It’s not real, at kung meron silang CCTV footage, I dare them ilabas po iyon.
"Kasi wala po talaga and sana po kung maglalabas sila, hindi AI.
“Para matapos na po, if meron kayong footage na ganoon, ilabas po nila kasi wala po talaga.
"Nakaka-frustrate na for four years, I kept silent and I couldn’t defend myself.”
Read: Jillian Ward's 20th birthday bash: Guests, highlight, sidelight
Nagdesisyon daw si Jillian na basagin ang pananahimik para matuldukan na ang mga fake news tungkol sa kanya — na nag-umpisa noong 16 years old pa lang siya at paulit-ulit bumabalik — dahil pinili niya noong huwag magsalita at ipagtanggol ang sarili.
Lahad ni Jillian: “Actually, nag-start po ito four years ago, I was sixteen.
"And at the time, ayoko pong magsalita kasi laging sinasabi sa akin, if it’s not real, hindi mo kailangan magsalita.
"Tapos, every year, nagre-resurface po siya. Then last week, lumabas na naman po siya.
"Nung una, sinend sa akin ng friends ko. Akala ko, parang meme lang iyon, kasi sobrang absurd ng mga ikinukuwento nila.
“So, tinawanan ko lang po siya nung una.
"Then, nung nagbasa po ako ng comments, sobrang na-hurt na po talaga ako kasi sobra po yung pambabastos ng mga tao because of fake news.
“So it took me four years to speak about it.
"And yung pinaka-turning point po sa akin is yung family ko, binabastos na rin po, especially my mom.
"So, sabi ko, enough na po."
Read: Chavit Singson, nagkomento sa pagkakaugnay kina Jillian at Yen