Dumating na ang araw na pinangangambahan ni Senator Ronald “Bato” Dela Rosa.
Ayon kay Ombudsman Jesus Crispin Remulla, naglabas na ang International Criminal Court (ICC] ng arrest warrant laban sa senador.
Resulta ito ng pagkakasangkot ni Dela Rosa sa war on drugs ni Rodrigo Duterte nang umupo ito bilang Pangulo ng Pilipinas mula Hunyo 2016 hanggang Hunyo 2022.
Si Dela Rosa ang nagsilbing hepe ng Philippine National Police (PNP) sa administrasyon ni Duterte.
Malaki ang kanyang naging partisipasyon sa giyera kontra-droga na humantong sa pag-aresto noon sa libu-libong katao at pagkamatay ng mga inakusahang sangkot sa paggamit at pagbebenta ng illegal drugs.
Read: Duterte charged with 3 counts of murder by ICC prosecutors
Umugong ang balitang ipadarakip din si Dela Rosa ng ICC matapos hulihin si Duterte ng mga miyembro ng PNP at ng International Criminal Police Organization noong Marso 11, 2025, dahil sa paratang na crimes against humanity.
Kasalukuyang nakakulong si Duterte sa The Hague, Netherlands.
Read: Former President Rodrigo Duterte arrested on ICC warrant over drug killings
REMULLA ON ARREST WARRANT AGAINST DELA ROSA
Ibinalita ni Remulla sa Executive Session program ng DZRH ang arrest warrant na inilabas ng ICC para kay Dela Rosa ngayong Sabado ng umaga, Nobyembre 8.
“Ito kasi hindi na function ng office ko yan, kasi nga lumipat na ako sa Office of the Ombudsman.
"Pero I have it on good authority, kasi public interest program ito, that the ICC has issued a warrant against Senator Bato dela Rosa,” umpisa ng paglalahad ng dating kalihim ng Department of Justice.
Tinanong ng isang kasamahan ni Remulla sa programa kung confirmed na ang arrest warrant ng ICC para kay Dela Rosa,
Sagot n Remulla: “I would say so na I have it on good authority na may nakipag-usap sa akin kanina, kaya na-late ako, trabaho muna.”
Kasunod nito ay ipinaliwanag ni Remulla ang magiging paraan ng paghahain ng ICC ng warrant of arrest kay Dela Rosa.
“Ngayon, ang proseso kasi niyan nagbago na kasi noong October 1, naglabas na ng new rules on extradition ang Supreme Court.
“Extraditable offense ang tawag diyan. Senator Bato would be extradite.
“Kasi nga, hindi na tayo member ng Rome Statute, wala na tayong treaty with the ICC although we respect the ICC as a legitimate foreign court.
“Magre-request sila ng extradition, dun na tayo papunta.
“Ang mangyayari diyan, they will file it with the DOJ through the Office of the Chief Counsel.
"Sila ang mag-uusap and the Solicitor General will be called to represent the government,” paliwanag ni Remulla tungkol sa diumano’y extraditable offense ni Dela Rosa.
Read: EXPLAINER: What is ICC and why is it handling the Duterte case?