Buo na ang desisyon ng isang aktres na hiwalayan ang kanyang asawa dahil tuluyan nang nawala ang pagmamahal at respeto niya.
Read: Aktres, absuwelto sa perjury na isinampa ng estranged husband
Matagal na panahon na tiniis ng aktres ang emotional at mental torture na nararanasan mula sa kanyang asawa pero ang pisikal na pananakit na nangyari kamakailan ang hindi niya mapalalampas.
Bukod sa pagpapa-blotter sa pulis, pormal na naghain ng kaso ang aktres at hinihintay na lamang nito ang pagdinig ng korte sa demanda na isinampa niya laban sa kanyang asawa.
Pinaplano na ng aktres na makipaghiwalay dahil malabo na ang posibilidad na magkasundo pa sila, lalupa’t nalaman niya na tatlo sila sa kanilang relasyon.
Nasaktan nang husto ang aktres sa natuklasan nito na may ibang babae ang kanyang asawa.
Nakadagdag sa sama ng loob ng aktres ang katotohanan na kakilala at magkakilala sila ng kerida ng mister niya.
Read: BLIND ITEM: Asawa ng aktres, unti-unting nabubuking
Sinabi ng aktres na nakita rin nito ang mga ebidensya na magpapatunay ng matagal nang pagtataksil ng asawa niya.
Maaaring magsalita sa mga susunod na araw ang aktres tungkol sa pasya nitong hiwalayan na ang mister.
Hudyat na ito na wala nang balikang mangyayari dahil sa kanyang kagustuhan na makawala mula sa mga kalupitan na nararanasan para makamit niya ang pinapangarap at tunay na kahulugan ng kalayaan.