Walang araw na hindi raw naiisip ni Ogie Alcasid ang kanyang yumaong ama na si Herminio Alcasid Sr.
Binawian ng buhay ang ama ng singer-comedian dahil sa COVID-19 noong Setyembre 15, 2020.
Anim na taon na ang nakalilipas buhat nang mamatay ang ama ni Ogie.
Pero ngayon lamang nalaman ng publiko ang kuwentong hindi na nagkaroon ng pagkakataon si Ogie at ang pamilya nitong makita sa huling pagkakataon ang tatay niya.
Cremated at nakalagay na sa urn ang mga labi ng ama ni Ogie nang ibalik sa kanila.
Pagbabahagi ni Ogie: “I lost my dad on COVID.
"Ang mahirap, we lost him, hindi mo siya makikita, you are not allowed. So, that was so hard for all of us, kaming magkakapatid, including my mom.
“And to this day, I think there’s this part na, 'Hindi man lang natin siya nakasama sa last moments niya.'"
Nang ma-confine sa ospital ang tatay ni Ogie, tanging videocall ang komunikasyon nila dahil bawal na bawal noong dalawin ang pasyente bilang pag-iingat laban sa COVID.
“Yung talagang nagka-COVID na siya, sabi pa niya sa akin, ‘O, Anak, mild lang daw ito.’
“Tapos nag-deteriorate na siya. Mabilis, may asthma kasi siya.
“My dad died, he was 84.
"Mas bata siya sa nanay ko. My mom would be 94 this November and she’s still okay.
"Although hindi na niya kayang manood ng concert, hindi na rin niya kayang sumakay ng eroplano,” lahad ni Ogie.
Read: Ogie Alcasid deeply mourns passing of his father: “Naiiyak pa rin po ako."
OGIE ALCASID REMEMBERS HIS LATE FATHER
Mas nangingibabaw raw kay Ogie ang mga alaala niya kasama ang ama noong nagsisimula pa lamang ang kanyang singing career.
Saad niya: “When I look back, of all the things that my father has done for me, I remember nung nag-i-start ako as a singer, parang siya lang ang naniwala.
"Kasi gusto nila maging lawyer ako, businessman.
“E, hilig ko ang kumanta. It was my dad who said, 'Sige, anak, you go.'
“Very quietly, ipinapakita niya yung support niya. Siguro may nakita siya.
“My father was a very successful businessman, he’s also a lawyer.
"He was a great dad. Siya yung naging idol ko.”
Read: Nora Aunor’s children commemorate late Superstar’s 73rd birthday
A TRIBUTE TO HIS LATE FATHER
Tiniyak ni Ogie na na may tribute siya para sa kanyang ama sa Daddyokie, ang Father’s Day concert niya sa Proscenium Theater, Makati City, sa Hunyo 19 at 20, 2026.
"My Way" ang paboritong kanta ng tatay ni Ogie kaya ito ang tribute song niya.
Lahad ni Ogie: “Meron pa nga kaming video nun na kumakanta kami ng 'My Way.' Mahilig kasing mag-videoke yon.
“Favorite song niya yon. Lagi kong kinakanta yon to dedicate to him.
“Yung nanay at tatay ko, isang Pasko, this was the year before my dad passed away...
“Sabi ko, 'Mag-recording naman kayong dalawa. Kukunan ko kayo ng video sa studio, sabay record ko kayo.’
“Pumayag naman sila so na-record ko yon.
"But it was only two months ago na nakayanan [panoorin] ng nanay ko. Sabi niya, ‘Sige nga, ipakita mo sa akin yung video.’”
Read: Kaye Abad makes a revelation on 44th birthday: "I'm cancer free."