“Na-miss ko ‘to!”
Ito ang sabi ni Iwa Moto nang muli siyang tumapak sa bakuran ng GMA-7 para sa guesting niya sa Fast Talk With Boy Abunda nitong Lunes, Hunyo 8, 2026.
Labinlimang taon na ang nakalilipas mula nang huling lumabas si Iwa sa telebisyon, at excited ito sa kanyang muling pagharap sa kamera dahil ngayon lamang niya naranasang ma-interview ni Boy Abunda.
“Sobrang I’m so happy to be here. I am good, nervous, kasi it’s my first time to be on television again. It’s been, like, fifteen years,” sabi ni Iwa.
Isinama ng StarStruck alumna sa studio ang panganay na anak nila ni Pampi Lacson na pangarap din umanong pumasok sa showbiz.
Pero gusto raw ni Iwa na magtapos muna ng pag-aaral ang kanilang 12-year-old daughter.
Ang annulment ng kasal nila ng dating asawang si Mickey Ablan, ang plano nilang pagpapakasal ng live-in partner na si Pampi Lacson, at pagiging bipolar ang ilan sa mga inilahad ni Iwa sa panayam niya sa Fast Talk.
SECRET MARRIAGE TO MICKEY ABLAN
Ibinahagi ni Iwa ang lihim na pagpapakasal nila noon ng former mixed martial artist na si Mickey, at ang masalimuot na kinahinatnan ng kanilang relasyon.
Lahad ni Iwa: “We got married 2010 po, tapos nag-start na rin po kami ng annulment 2010.
"Months lang po talaga yung talagang legal. Pero yung una po, parang akala ko po we were married, hindi pala.
“Yung pangalawa po, yung akala ko totoo na, yun naman po yung hindi na kami okay. Nagkaroon na kami ng misunderstandings.
“Everything that happened before, again, I am grateful and thankful sa lahat ng mga nangyari.
"Pero a lot of things happened so we have to part ways. It was really messy. We were really fighting a lot."
Ang karelasyon ngayon ni Mickey ay ang aktres na si Janna Dominguez.
Read: Iwa Moto stands by revelations about marriage to Mickey Ablan and miscarriage
IWA'S ENGAGEMENT TO PAMPI LACSON
Si Iwa naman ay engaged na sa kanyang long-time partner na si Pampi Lacson, dating asawa ng aktres na si Jodi Sta. Maria.
Noong Pebrero 2026, isinapubliko ni Iwa ang marriage proposal sa kanya ni Pampi na naganap sa Nara, Japan.
Nakilala ng dalawa ang isa’t isa noong 2012 dahil sa kanilang kaibigan, ang aktres na si Karen delos Reyes.
Pagbabahagi ni Iwa: “Nag-meet kami ni Pampi, 2012. Nung nagkakilala kami, kahihiwalay lang namin sa mga significant other."
Natagalan daw ang pagpapakasal nila ni Pampi dahil sa annulment sa mga dati nilang partner.
Saads ni Iwa: “Mabilis lang po yung sa akin. It took, like, two years to three years.
"Actually, ang naging matagal po talaga was their [Pampi and Jodi] annulment. I think it’s around 13 years yata to 14 years.
"Dekada rin po yung itinagal kaya natagalan din po yung pag-aantay naming lahat Pero everything is okay naman.”
Kasunod nito ay inilarawan ni Iwa ang mga katangian ni Pampi na nagustuhan niya rito.
Aniya: "He’ s a very calm person. He’s a very quiet person.
"Yung hindi ie-expect ng tao kung sino siya. Kapag nakilala ninyo po siya, hindi mo iisipin na anak siya ni Daddy Ping [Senator Panfilo Lacson].
"Sobrang down-to-earth. Napakabait."
Ibinahagi rin ni Iwa ang naganap na wedding proposal sa kanya ni Pampi.
Lahad ng dating aktres: "Ang nangyari po, I wanted to visit my dad’s grave.
"Kasi my dad passed away a couple of years ago and then, it was his birthday, and I wanted to greet him personally.
"So, we went to Japan, tapos nasaktuhan dun siya nag-propose sa Nara."
Kailan gaganapin ang kanilang kasal?
Ayon kay Iwa: “Ang kasal po, we’re planning sa 2028.
"Kasi, sa kasamaang-palad po, hindi ako Disney princess. Kailangan ko pong mag-ipon.
"Kailangan ko po... naming mag-ipon pareho. Kasi siyempre, medyo mahal po ang pagpapakasal.
“Saka nakakahiya naman kung ihihingi namin sa ibang tao.
"So, we’re really trying our best to work hard and earn para po makapagpakasal na kami.
"After elections, mga August po, para hindi na rin po magulo.”
Read: Iwa Moto reacts to Jodi Sta. Maria-Pampi Lacson annulment
IWA MOTO ON BEING BIPOLAR
Pahayag naman ni Iwa tungkol sa kanyang pagiging bipolar: “Actually, since 2017 po, I am seeking help. I have a psychiatrist who’s helping me po.
“Dati, akala ko impulsive lang ako. Yun pala, I was diagnosed with bipolar disorder and severe panic attack with PTSD pa po.
"So, medyo marami akong pinagdaraanan, and I’m not gonna excuse my actions before.
"I really, really regret yung mga ginawa ko dati. Pero again, para sa akin, I learned from those mistakes.
“Ang motto ko po ngayon, 'If you’re having a bad day, it’s just a bad day, not a bad life.'
"So, kung may darating na struggle, I really look at that point of view na parang kaya ko yon. Kakayanin at kakayanin ko."