Ang kanyang mga kaibigan at kamag-anak na miyembro ng LGBTQIA+ community ang inspirasyon ng award-winning cinematographer na si Rainier “Rain” Samson nang gawin nito bilang direktor ang Lunok, ang VMX movie na pinagbibidahan ni Astrid Lee.
Ang Lunok ang ikalawang directorial project ni Direk Rain para sa VMX; ang Violet (2025) ang unang sexy movie na ginawa niya.
Lahad niya: “I wrote the script as well. Inspiration basically are my friends.
"I have friends na girls na parang kinonek ko‘yung story nila, personality nila, everytime we go out to parties to drink.”
Kasunod nito ang rebelasyong marami sa mga kamag-anak niya ang miyembro ng LGBTQIA + community.
“Actually, it’s my homage din to my relatives. I have a lot of relatives na nasa LGBTQ+ community.
"And basically, I grew up with my aunt na may partner siya na I would see them kiss in a show of affection.
“So growing up, for me, yung girl love is a normal thing.
“Sa inyo, aware naman kayo na I have a relative din na nasa LGBTQ+.
"First cousin ko kasi si Ice [Seguerra], so talagang nasa dugo namin siya. So, it’s my homage to them,” lahad ni Direk Rain.
Ang ama ni Direk Rain ay kapatid ng ina ni Ice na si Mommy Caring.
Nag-umpisa ang pangarap ni Direk Rain na gumawa ng pelikula nang mapanood nito ang The Last Emperor (1987) noong second year high school student siya, pero natuklasan din niya ang hilig sa photography.
Saad niya: “Na-discover ko yung cinematography kasi I love photography, and I fell in love with the idea of capturing images and bringing life to these images.
"So, parang it was my stepping stone and it helped me understand the language of filmmaking.
"Kasi I was able to work with different famous award-winning director so I got a lot of influence from them.”
Read: VMX continues Pinoy erotica domination with 9 titles in June 2026
ASTRID LEE FULLFILLS DREAM OF JOINING SHOWBIZ
Natupad naman ang matagal nang pangarap ni Astrid Lee maging artista nang makita siya ng talent manager na si Jojo Veloso, na nagdala sa kanya sa VMX.
Labindalawang taon ang edad ni Astrid nang sumali siya sa Season 6 ng Kapuso artista search a StarStruck noong 2015 nang magdaos ito ng auditions sa bayan nila sa Pangasinan.
Lahad niya: “I remember parang 12 years old pa lang ako that time and then, nakapasa po ako sa Level 1 at Level 2 ng auditions.
"Pero sa Level 3, bagsak na po ako.
“Sobrang pangarap ko po kasing maging artista and that time, hindi pa po ako ganoon ka-confident.
“Hindi na po ako nag-try kasi ang feeling ko noon, sobrang baba na po ng confidence ko.”
Sina Klea Pineda at Migo Adecer ang mga nagwagi noon sa Season 6 ng StarStruck.
Read: Angel Castro shares painful truth about mom Raven Villanueva