Kinumpirma ng beauty queen at social media influencer na si Lars Pacheco na naaresto na si Chanda Atienza sa Kuala Lumpur, Malaysia.
Si Atienza ang negosyanteng matagal nang tinutugis ng National Bureau of Investigation (NBI). Siya ang itinuturong utak umano ng investment scam at inaakusahan ng paglabag sa Securities Regulation Code.
Si Atienza ang may-ari ng skincare company at beauty clinic na Dermacare.
Kabilang ang mga aktres na sina Rufa Mae Quinto at Neri Naig sa dating brand ambassadors ng kanyang negosyo.
Read: Neri Naig finally breaks silence after legal ordeal
LARS PACHECO ON CHANDA ATIENZA'S ARREST
Sa pakikipag-usap ng Cabinet Files kay Lars nitong Biyernes ng gabi, Agosto 21, sinabi niyang tahimik siyang lumipad sa Kuala Lumpur noong Agosto 18 para tulungan ang kanyang business partner na nabiktima rin umano ni Atienza.
Lahad niya: "I specifically flew to Kuala Lumpur to do the entrapment for her. It’s a planned trip specifically for the arrest.
“My business partner who have been scammed by Atienza, arranged and planned everything.
“She [Atienza] was arrested today, August 21, at Pavilion Mall, Kuala Lumpur, with her sister Vilma.
“Thankfully nahuli na rin at may chance nang mabigyan ng justice ang mga kababayan nating niloko niya.
"Masaya ako dahil nagamit ko ang platform ko to raise awareness na may isang hakbang na maaaring mag-lead sa justice para sa lahat ng mga biktima.”
Ibinahagi ni Lars sa kanyang Facebook page ang video ng pag-aresto ng Malaysian Interpol kay Atienza at sa kapatid nito na matibay na patunay na nadakip na ang akusado.
Hindi pa masabi ni Lars kung kailan maibabalik sa Pilipinas si Atienza.
Sabi niya sa Cabinet Files: “Nakikipag-coordinate kami sa Philippine Embassy for their transfer sa Pilipinas.
"When? That’s not yet sure."
RUFA MAE QUINTO AND NERI NAIG'S ORDEAL
Matindi ang perhuwisyong ginawa ni Atienza kina Rufa Mae, Neri, at sa ibang mga biktima niya.
Noong Nobyembre 2024, inaresto si Neri dahil sa paratang na sangkot siya sa syndicated estafa at 14 counts ng paglabag sa Securities Regulation Code na inihain ng mga nagreklamong nag-invest ng pera sa Dermacare.
Noong Marso 2025, pinawalang-sala si Neri dahil walang probable cause na nakita ang korte ng Pasay City para sampahan siya ng kaso.
Read: EXPLAINER: Neri Naig's syndicated estafa and violations
Kusang-loob namanng sumuko si Rufa Mae sa National Bureau of Investigation noong Enero 8, 2025 dahil sa arrest warrant na inilabas ng Branch 111 ng Pasay City Regional Trial Court.
Nagbayad si Rufa Mae ng piyansang PHP1.7 million para sa kalayaan niya.
At noong Abril 2025, ibinasura ng korte ang kaso laban sa kanya.
Read: Rufa Mae Quinto returns to PH; voluntarily surrenders to NBI
Parehong nadamay sina Rufa Mae at Neri sa usapin dahil mga celebrity ambassador sila ng skin care company at beauty clinic ni Atienza.
Related Stories: