Nakabalik na ng Pilipinas ang aktres na si Rufa Mae Quinto ngayong umaga ng Miyerkules, January 8, 2025.
Sa airport pa lang ay sinalubong na siya ng mga tauhan ng National Bureau of Investigation (NBI), at boluntaryo siyang sumurender dahil sa kanyang warrant of arrest.
Kaugnay ito sa fourteen counts ng paglabag umano sa Section 8 of Securities Regulation Code na inihain ng tatlumpu’t siyam (39) katao laban sa kanya.
Read: Rufa Mae Quinto, kumpirmadong may warrant of arrest din
Ngunit sa panayam sa kanya ni John Consulta ng GMA Integrated News ay hindi mababanaag sa aktres ang pagkabahala sa nakaambang warrant of arrest sa kanya.
Sabi ni Rufa Mae, "Hi, welcome to me in the Philippines! Yes, I surrender myself," natatawang sabi pa ni Rufa Mae.
Ayon naman kay NBI Chief Jimmy de Leon, sa ulat pa rin ng GMA Integrated News, nakipag-ugnayan ang abogado ni Rufa Mae sa kanilang tanggapan para sa boluntaryong pagsuko ng aktres.
Sumailalim din sa medico-legal examination si Rufa Mae bago dalhin sa Pasay Regional Trial Court.
Rufa Mae Quinto (in pink dress) at the airport escorted by NBI officers.
Samantala, hindi pa malinaw kung makakaalis ng NBI custody si Rufa Mae ngayong araw matapos dalhin ng mga agent nito sa Pasay Regional Trial Court, na naglabas ng warrant of arrest laban sa aktres.
Read: Rufa Mae Quinto chooses to stay positive amid ongoing divorce
RUFA MAE QUINTO DENIES INVOLVEMENT IN INVESTMENT SCAM
Noong December 3, 2024, naglabas ng opisyal na pahayag si Rufa Mae para ipaliwanag ang kanyang panig sa patung-patong na kasong kinahaharap.
Ang legal counsel ni Rufa Mae na si Atty. Mary Louise Reyes ang nag-post sa Facebook ng official statement ng aktres.
Paglilinaw ni Rufa Mae, katulad ng iba ay biktima lang siya ng beauty clinic Dermacare, na pag-aari ni Chanda Atienza.
Mababasa sa kanyang official statement (published as is): "I want to take this opportunity to address the recent allegations that have been circulating regarding my involvement in a scam issue.
"Let me state this unequivocally: I HAVE NO CONNECTION WHATSOEVER TO ANY FRAUDULENT ACTIVITY AND I CATEGORICALLY DENY THESE BASELESS ACCUSATIONS.
"IF ANYTHING, I AM ALSO A VICTIM AND I AM DETERMINED TO SEEK JUSTICE."
Hindi raw akalain ni Rufa Mae na sa kabila ng reputasyong matagal niyang inalagaan at tagal sa industriya ay masasangkot siya sa ganitong eskandalo.
Ganunpaman, naniniwala raw ang aktres na sa huli ay mananaig ang kabutihan at katotohanan.
Aniya: "Over the years, I have worked tirelessly to build my career and maintain my untarnished reputation, which is rooted in integrity and dedication.
"As a public figure, I have always demonstrated professionalism, transparency, and respect for the people and brands I work with.
"It is dejecting to see my name being dragged through the mud, but I remain steadfast and confident that the truth will soon prevail."
Nangako rin si Rufa Mae na haharapin niya ang mga kasong isinampa sa kanya, sa pamamagitan ng pagharap sa mga awtoridad sa oras na makauwi siya sa Pilipinas.
Nasa Amerika si Rufa Mae nang naglabas ang korte ng warrant of arrest sa kanya.
Saad niya: "I will cooperate fully with the authorities and face this issue through the proper legal forum.
"Rest assured, I will fight for my name and reputation."
Sa huli, nagpasalamat si Rufa Mae sa lahat ng sumusuporta at naniniwala sa kanya.
Mensahe niya, "To those who have extended their love and support, I am grateful.
"Let us allow justice to take its course, and I humbly ask for your patience and understanding as the truth unfolds."
Read: Rufa Mae Quinto breaks silence on estafa case
RUFA MAE quinto'S ESTAFA CASE
Bago maglabas ng official statement ni Rufa Mae ay nagsalita na rin ang kanyang legal counsel tungkol dito noong December 2.
Kinumpirma ni Atty. Mary Louise Reyes na may warrant of arrest sa aktres.
Ayon kay Reyes, tumalbog din ang mga tsekeng ibinayad kay Rufa Mae bilang endorser ng Dermacare, kaya hindi raw matanggap ng aktres na maging ito ay dawit sa kaso.
Hindi rin umano nanghingi ng pera si Rufa Mae mula sa mga nagdemanda sa kanya dahil hanggang sa pagiging celebrity endorser lamang ng Dermacare ang partisipasyon niya.
Saad ni Atty. Reyes, "She will face those charges... mag-voluntary surrender siya and magpo-post po kami ng bail for that.
"She's worried kasi hindi naman totoo yung allegations kasi my client po is just a brand ambassador, a model-endorser."
RUFA MAE QUINTO AND NERI NAIG CASES
Ang kaso ni Neri Naig Miranda ay katulad din ng kinakahrap na kaso ni Rufa Mae dahil pareho silang celebrity endorsers ng Dermacare beauty clinic na nasasangkot sa investment scam.
Read: EXPLAINER: Neri Naig's syndicated estafa and securities code violations
Fourteen counts ng estafa at syndicated estafa ang mga kasong isinampa laban kay Neri, na dinakip sa isang mall sa Pasay City at ipiniit sa Female Dormitory ng Pasay City Jail noong Nobyembre 23, 2024.
Mahigit sa P1.7 million ang piyansa para sa fourteen counts ng estafa ni Neri, pero non-bailable ang syndicated estafa kaya ikinulong siya.
Read: Pasay City Court moves Neri Naig’s arraignment to January 2025
Noong December 4, nakalabas si Neri mula sa limang araw na hospital furlough.
Sa halip na bumalik siya sa piitan ay diretso nang nakauwi ang negosyante at dating aktres.
Ito ay matapos ipag-utos ng Pasay City Regional Trical Court (RTC) Branch 112 ang agarang pagpapalaya kay Neri kasunod ng pagpabor ng korte sa motion to quash ng kampo ng actress-businesswoman.
Read: BREAKING: Court orders release of Neri Naig from detention
Pitong araw namalagi si Neri sa Pasay City Jail Female Dormitory matapos itong maaresto.
Malaking tagumpay para sa mga abogado ni Neri ang araw na iyon dahil bukod sa napaboran ang kanilang motion to quash a warrant of arrest, pinalaya rin si Neri sa kanyang pagkakakulong.
Ang motion to quash ay isang remedyong legal kung saan ang akusado ay pinapayagang kuwestiyunin ang legalidad ng warrant of arrest.
Read: Pasay court grants Neri Naig’s motion to quash warrant of arrest
Hanggang ngayon ay hindi pa rin bumabalik sa social media si Neri matapos siyang pakawalan sa kulungan.
Read: SEC official explains Neri Naig’s securities violations case