Pinag-usapan at naging kontrobersyal ang pahayag ni Barbie Forteza sa media conference ng Saving Cherry noong Agosto 3, 2026.
Ito ay dahil sa kanyang sinabi na “I wanna get married in Vegas in Vera Wang para may divorce.”
Nagsalita rin siya tungkol sa isyu ng date-to-marry.
Pero sa panayam ni Boy Abunda sa Fast Talk with Boy Abunda noong Biyernes, Agosto 28, 2026, binawi ni Barbie ang kanyang mga sinabi sa media conference ng Saving Cherry.
Comeback movie niya ito sa Regal Entertainment Inc.na mapapanood sa mga sinehan simula sa Setyembre 2, 2026.
"I said that in an interview before having been schooled by a lot of our very respectable lawyers out there with regards to marriage and now, maybe I would like to take that back because I’m not open to marrying anytime soon, even if I fall in love. “
"Date? When I’m sure na lang pero hindi na para to marry pa,” paliwanag ni Barbie.
Read: QC Court acquits Favila, Asprec in Gretchen Fullido complaint
BARBIE FORTEZA ON WHAT SHE LEARNED ABOUT DIVORCE
Tanggap niya na nagkamali siya sa kanyang pagkakaunawa tungkol sa diborsyo kapag nagpakasal sa Las Vegas, Nevada, USA.
"Oh my gosh, actually, pati po ang nanay ko, sabi ’Talaga ba?’
"Hindi ko alam and I feel also a a lot of people did not know that ‘coz I thought all along, if you get married somewhere na it’s legal, it’s legal everywhere.
"So maybe, I guess, I just don’t see the point of it," ani Barbie.
May mga abogado kasing nagpaabot kay Barbie na nire-recognize lamang ang divorce sa ibang bansa kung ang napangasawa niya ay hindi Pilipino.
Naiintindihan na niya ngayon na kapag nagpakasal sa Las Vegas ang mga Pilipino, valid ito.
Aniya, “And if I am not mistaken, kapag nag-divorce kayo dun, doon lang kayo divorced but when you come home here sa Philippines, the law doesn’t recognize the divorce.”
Read: Heart Evangelista vs. "clean money" issue: A timeline
BARBIE FORTEZA ON CHEATERS
Nagpaliwanag din si Barbie sa pananaw nito na hindi dapat binibigyan ng pangalawang pagkakataon ang mga nagtaksil sa kanilang mga karelasyon.
“F**k, no!” ang sagot ni Barbie sa media conference ng Saving Cherry sa tanong na "Do cheaters deserve a second chance?”
Nilinaw ni Barbie sa panayam ni Boy ang kanyang posisyon tungkol sa mga “cheater.”
“Siguro po sa akin kasi, the way I was raised is that pahalagahan mo yung sarili mo and that’s what I did.
"Ini-spoil ko nga yung sarili ko. I treat myself out. Kumbaga, ganoon ko kamahal yung sarili ko.
"So loving another person na hindi ko kadugo. Hindi ko kaanu-ano, wala akong obligasyon para sa taong ‘yon tapos niloko mo ako? Bakit?" katuwiran ni Barbie.
Pagpapatuloy pa niya: "I pour myself to you na wala akong obligasyon at hindi ko kailangan gawin ‘yon and yet I did, tapos lolokohin mo ako? Bakit?
“Pinili kita. Hindi kita obligasyon pero niloko mo ako. Bakit? E, mahalaga ang oras ko, ang atensyon ko.
"Well, that’s just for me."
Kaya raw hindi nararapat na bigyan ng pangalawang pagkakataon ang mga nagtaksil sa relasyon.
Aniya, "I guess, hindi lang cheating, e.
"Basta anything that would me make me feel that I’ve been treated less kasi ibinigay ko yung sarili ko sa ’yo, yung oras ko, pagmamahal ko, most importantly, tapos binetray mo yung trust ko."