Kinumpirma ng isang taong malapit sa US-based Filipino singer at former The X Factor Philippines Season 1 finalist na si Mark Mabasa, 40, na kasalukuyan itong nakakulong sa Immigration and Customs Enforcement (ICE) facility sa Adelanto, San Bernardino County, California.
Ayon sa USAFacts, ang ICE, na nasa ilalim ng US Department of Homeland Security, ay "responsible for enforcing immigration laws, investigating criminal activities, and ensuring national security."
Dagdag pa rito: "ICE conducts investigations, detains and deports individuals who violate immigration laws, and works to dismantle criminal organizations involved in human trafficking, drug smuggling, and other illegal activities. It was established in 2003."
Si Mark ay anak ni Percy Lapid, ang broadcast journalist na pinaslang sa Las Piñas City noong Oktubre 3, 2022.
Dahil sa matinding pangamba para sa kanilang buhay at kaligtasan, lumipad ang pamilya ni Percy sa Amerilka noong Pebrero 2023.
Read: Veteran radio broadcaster Percy Lapid shot dead in an ambush
MARK MABASA HAS COMPLETE PAPERS, SAYS CLOSE FRIEND
Nakausap ng Cabinet Files ang isang nagmamalasakit na kabiigan ni Mark ngayong Martes ng gabi, Setyembre 29, 2026.
Labis daw siyang nagtataka sa pag-aresto ng mga tauhan ng ICE kay Mark dahil kumpleto umano ang dokumento ng mang-aawit kaya legal ang paninirahan nito sa Amerika.
Saad ng source, na nakiusap huwag banggitin ang kanyang pangalan: “Bakit nila hinuli si Mark, e, kumpleto ang papers niya?
"Hindi naman illegal ang paninirahan niya sa Amerika dahil naka-process na yung petition nila for asylum.
"Nag-issue pa nga sa kanila ng work permit ang government. Allowed silang mag-work.
"Meron siyang driver’s license at social security number so legal talaga.
"Yun nga lang, may order si [President Donald] Trump na pauwiin ang asylum seekers sa kanilang bansa.”
Read: Bayani Agbayani opens up about Bea-Vincent canceled Spain wedding
MARK MABASA ARRESTED IN LOS ANGELES
Dinakip si Mark ng mga ahente ng ICE nang dumating siya sa Los Angeles mula sa Chicago noong Setyembre 21, 2026.
Nagtungo si Mark sa Chicago dahil sa kanyang espesyal na partisipasyon sa show ng Beks Battalion noong Setyembre 19 sa 19th Century Club, sa Illinois.
Lahad ng kaibigan ni Mark: “Nag-guest si Mark sa Beks Battalion show sa Chicago. Originally, hindi naman siya guest.
"Nag-special appearance si Mark sa show ng Beks Battalion sa Torrance, California, noong September 11 kaya kinuha na rin sa Chicago show.
“Lumipad siya sa Chicago, nag-show. At pagdating niya sa Los Angeles, dinampot na siya ng ICE agents.
"Ang feeling ko, nung pagpasok niya sa Chicago, natimbrehan ang ICE sa Los Angeles kaya dinakip siya.
“Pinayuhan na siya noong huwag magbiyahe nang magbiyahe sa Amerika dahil sa utos nga ni Trump na hulihin at pabalikin sa kanilang bansa ang asylum seekers.
“Ang sabi ni Mark, kumpleto naman ang papers niya kaya walang dapat ipag-alala, pero hinuli pa rin siya."
View this post on Instagram
Umaasa at nagdarasal ang Cabinet Files source na makalalaya si Mark mula sa ICE Detention Center, sa lalong madaling panahon.
Read: Rovelyn Baterbonia clarifies PHP30 entrance fee at Rene museum
MARK'S COFFEE-SHOP BUSINESS
Apektado ng pag-aresto kay Mark ang pag-aari niyang Japanese-inspired coffee shop sa Los Angeles, California.
Sa kanyang Instagram post noong Agosto 16, 2026, inilahad ni Mark na ipagpapatuloy pa rin nito ang pagkanta, kahit magbubukas siya ng coffee-shop business.
Saad niya sa kanyang post: “This is new to me, and I’m learning every day.
"Opening a business in Los Angeles is expensive and there are strict permits, policies and requirements.
“I’m still making music and working with amazing composers and producers here in L.A.Music and coffee are different worlds but both bring people together.”
Pero dahil sa nangyari sa kanya, walang nakakaalam sa magiging kapalaran ng coffee-shop business na bubuksan niya dahil inaresto nga siya ng mga ahente ng ICE.