Muling naungkat ang isyu tungkol sa maaanghang na salitang binitiwan ni Kris Aquino para kay Korina Sanchez dahil sa pagkakaroon nito ng kambal na anak, sina Pepe at Pilar, na ipinagbuntis sa pamamagitan ng gestational surrogacy.
Noong April 23, 2018, nag-post si Kris sa kanyang Instagram account ng reaksiyon tungkol sa feature story ni Korina tungkol sa ex-husband niyang si James Yap at sa bagong pamilya nito na ipinalabas noong April 23, 2018 sa Rated K.
Hindi nagustuhan ni Kris ang feature story dahil sa kanyang paniniwala, nanadya si Korina, na tinawag niyang "misis ni Mar Roxas."
Isinumbat din ni Kris ang pagtulong niya at ng kanyang mga anak sa presidential campaign ni Mar noong 2016.
Marami ang nasaktan para kay Korina, lalo na ang mga kababaihan na hindi nabiyayaang magkaroon ng anak dahil sa Instagram post na ito ni Kris:
“But I will not delete any posts because my anger comes from the heart of a mother who has been unnecessarily stepped on by someone who hasn’t had the privilege of motherhood."
Pero nang tila mahimasmasan, pinalitan ng former Queen of All Media ang kanyang statement:
"But I will not delete any posts because my anger comes from the heart of a mother who has been unnecessarily stepped on by someone who has been blessed w/ a loving & devoted husband & does not know the hardship of having to go to it alone."
"Rewritten after some prayers" ang dahilang sinabi ni Kris sa desisyon nitong baguhin ang insensitive line na umani ng mga batikos mula sa publiko, lalo na sa barren women o mga kababaihang hindi pinalad na magbuntis at magkaroon ng anak.
Read: Kris Aquino, binawi ang post tungkol sa hindi pagkakaroon ng anak ni Korina Sanchez
Nang pumutok ang balitang nagkaroon ng kambal na anak sina Mar at Korina, naalaala ng mga sympathizer ni Korina ang masakit na salitang natikman niya mula kay Kris.
Sinabi ng mga defender at supporter ni Korina na hindi man ito ang nagbuntis sa kanyang mga anak, 100 percent na sila ni Mar ang mga magulang nina Pepe at Pilar.
At ngayon, nagsisimula na si Korina na mag-enjoy sa pagiging tunay na ina kaya vindicated ang Rated K host.