Inaasahang mapapabilis na ang pagsakay ng mga estudyante at Persons With Disabilities (PWD) sa train systems tulad ng MRT-3, LRT-1, at LRT-2.
Maglalabas na kasi ang Department of Transportation (DOTr) ng white personalized Beep cards sa darating na September 2025.
Kasunod ito ng hiling ng publiko na gawing mas madali at mabilis ang pag-avail ng mga students ng 50% discount kapag sasakay ng train systems.
Ang dati kasing sistema, kailangan muna nilang mag-fill out ng forms at magpakita ng ID sa counter para ma-avail ang 50% discount sa ticket.
Matagal ito at nakakabagal sa pag-usad ng pila.
Inanunsiyo ang 50% discount para sa students, PWDs, at senior citizens nito lamang Hunyo 2025.
Subalit marami ang nagreklamo dahil sa mahabang proseso.
Read: Netizens react to students' 50% off fares on MRT-3, LRT-1, LRT-2
Kamakailan lamang, ipinag-utos ni DOTr Secretary Vince Dizon na tanggalin na ang pag-fill out ng forms para sa mga estudyanteng gustong mag-avail ng discounted train tickets.
“Sinilip ko kanina yung estudyanteng nag-fill out ng form, inabot ng kulang-kulang 1 hanggang 1 minute 30 seconds para lang sa form. Sayang yung oras ng estudyante at ng ibang pasahero,” ani Dizon sa interview noong August 13, 2025.
PERSONALIZED BEEP CARDS
Pagsapit ng September, magiging available na ang Beep cards with automatic discounts para sa mga estudyante.
White ang kulay nito, personalized, at higit sa lahat, hindi na pipila ang mga studyante para maka-avail ng 50% discount sa tuwing sasakay ng MRT-3, LRT-1 at LRT-2.
“Pupunta lang sila sa kahit anong station next month, ipapakita ang ID at ipi-print ang beep card right then and there. Ire-renew lang nila iyan every after school year,” paliwanag ni Dizon.
Valid ang personalized Beep cards ng isang taon at renewable sila kada school year.
Kung pagbabasehan ang comments ng netizens, positibo ang reception nila sa anunsiyong ito ng DOTr, lalo't libo-libong katao ang gumagamit ng train systems araw-araw.
Read: MRT and LRT to go cashless this July 2025
