NOEL FERRER
Pumanaw na ang kapatid na doktor ng actress-host na si Ruby Rodriguez dahil sa COVID 19.
Si Dr. Salvacion "Sally" Rodriguez-Gatchalian ay binawian ng buhay nitong ala-sais ng umaga, Huwebes, March 26.
Si Dr. Gatchalian ang presidente ng Philippine Pediatric Society.
Kinumpirma mismo ni Ruby ang pagpanaw ng kapatid, sa pamamagitan ng isang official statement na ibinahagi niya sa Facebook:
“As of 6am my sister Dr Sally Gatchalian who fought really hard, Has Joined our Lord God and creator.
"We her family Thank you all sincerely for Praying with us.
"Stay Safe and keep on praying”
Mahirap magkasakit at mamatay ngayon.
Ang layo ng mga tao dahil sa social distancing. Naiiyak na lang ako.
Ipinararating natin ang pakikiramay sa pamilya nina Ruby at ng yumaong kapatid na doktor.
JERRY OLEA
Mensahe ni Ali Sotto sa Facebook nitong Huwebes ng umaga:
“Another fallen hero lost her battle with CoViD 19 but has won not only our hearts but also a place in God’s heavenly kingdom.
“Rest in peace, Dra. Sally Gatchalian. Our deepest sympathies to Ruby Rodriguez and the loved ones who grieve for their loss.”
Paano na tayo kung isa-isang nalalagas ang frontliners sa War vs COVID-19?
Sa ganitong kaganapan, napakahirap humagilap ng compassion sa ating puso para kay Senator Koko Pimentel, na inilagay sa panganib ang mga doktor, nars, mga pasyente, at iba pang mga tao sa Makati Medical Center.
GORGY RULA
Noong ipinagdasal pa lang ng mag-asawang Vic Sotto at Pauleen Luna ang Ninang Sally nila, hindi napigilang maluha ni Pauleen.
Ngayong 6:00 ng umaga nga raw pumanaw si Dra. Sally Gatchalian, na kinumpirma sa akin ni Pauleen.
Hindi pa raw niya alam kung ano ang susunod na plano nina Ruby sa pagpanaw ng kanyang ate.
Sandali lang daw silang nag-usap ni Ruby.
Ang hinihingi nila ay patuloy na pagdarasal na matapos na ito, at sana ay wala nang health workers na maapektuhan ng COVID-19.
Bukod sa proteksyunan natin ang ating sarili sa pagsunod sa ipinapairal na home quarantine, bigyan din sana ng proteksiyon ang ating health workers, ang ating frontliners.