JERRY OLEA
Nag-first anniversary na ang ABS-CBN shutdown, pero andito pa rin ang ASAP Natin ‘To.
Nag-uumapaw ang saya at pagmamahal sa ASAP Natin 'To bukas, Mayo 9, Linggo ng tanghali sa Kapamilya Channel, A2Z, at TV5 dahil bida ang mga momshie.
Magpupugay sa mga nanay si Toni Gonzaga, pati ang new generation of ASAP divas na sina Sheena, Zephanie, at Janine Berdin.
Sasabak sa senti music collabs sina Jed Madela, Nyoy Volante, at Martin Nievera, maging sina Bamboo at Darren Espanto.
Magbibigay-inspirasyon sa world-class duets sina Martin at Klarisse de Guzman, Jason Dy at Zsa Zsa Padilla, Erik Santos at Nina, at Darren at Regine Velasquez.
Hahataw sina Loisa Andalio, Ronnie Alonte, Maymay Entrata, MNL48, at AC Bonifacio.
Espesyal din siyempre ang Mother’s Day presentation ng All-Out Sundays bukas ng tanghali sa GMA-7, GTV, at official social media pages ng GMA Network.
Sa segment na "Mommy Day Party," may inihandang performance sina Christian Bautista at Mark Bautista para kina Aiko Melendez at Gelli de Belen.
Magpapakitang-gilas sina Rayver Cruz, Miguel Tanfelix, DJ Loonyo, at Mannex Manhattan sa all-out Cypher showdown kasama ang Sexbomb moms na sina Rochelle Pangilinan at Izzy Trazona.
May tribute din para sa kani-kanyang ina ang OGs na sina Rayver Cruz, Ken Chan, Ruru Madrid, Miguel Tanfelix, Derrick Monasterio, at Kristoffer Martin.
May special playlist at touching messages din na handog ang Divas of The Queendom na sina Julie Anne San Jose, Aicelle Santos, Rita Daniela, Jessica Villarubin, Thea Astley, Jennie Gabriel, at Lani Misalucha.
Magpapatuloy ang search para sa perfect match sa romantic musical comedy na "Love Doctors" kasama sina Paolo Contis, Rhian Ramos, Denise Barbacena, Kristoffer Martin, Betong Sumaya, Jennie Gabriel, at Tuesday Vargas.
Kaabang-abang din ang performance ng Billboard Music Awards 2021 Top Social Artist nominee na SB19 ng kanilang single na "What?"
Naka-9.5M views na ang official music video ng "What?" mula nang in-upload noong Marso 9, 2021 sa YouTube channel na SB19 Official.
GORGY RULA
Medyo mahirap sa mga taga-All Out Sundays itong taping ng ilang episodes.
Pero awa ng Diyos, nairaos naman at may nakabangko na sila na ilan pang episodes bago sila bumalik sa live at taping.
Pero ang isa sa inaabangan dito ay ang sakalam na performance ng SB19 na nagpu-promote ng bagong single nilang "What?"
Dito sa AOS, maaring mapu-promote na rin ni Alden ang pagbabalik ng Centerstage bukas ng gabi.
Tatlong linggong tumigil ang Centerstage, at mabuti na mapapanood na muli ito bago mag-Kapuso Mo, Jessica Soho.
Ang batang taga-Obando, Bulacan na ukulele player na si Oxy Dolorito pa rin ang defending champion.
Abangan natin kung mapapataob na siya ng mga susunod na challengers.
Kasama ni Alden dito si Betong Sumaya at mga judges nilang sina Pops Fernandez, Mel Villena, at Aicelle Santos-Zambrano.
NOEL FERRER
Marahil, parehong taped or pre-recorded na ang episodes na ito ng ASAP at AOS.
With all the cost for the swabbing, tests and cleaning, hygiene, and protocol considerations, kailangang bawiin ito at mag-tape din ng episodes para menos sa set up at utility costs.
That makes sense. Nakaka-miss lang talaga yung dating mga live shows na anything goes.
Ito ang nagbibigay ng “authenticity” and kakaibang energy kung nagso-show.
Kaya for now, adjust muna tayo sa entertainment output ng new normal.
Sa ASAP o AOS man kayo manonood, Happy Mother’s Day sa lahat ng nanay at nagpapaka-nanay!