JERRY OLEA
Wala sa script ng pelikulang Revirginized na iba-body shot ni Carmela (Sharon Cuneta) si Morph (Marco Gumabao).
Tawang-tawang hirit ni Shawie sa virtual mediacon nitong Agosto 4, Miyerkules, ni hindi niya na-body shot ang dalawang lalaking napangasawa niya.
Lahad ni Direk Darryl Yap, “Mega, ikuwento mo after ka mag-body shot, lumapit ka sa akin.
“Sabi mo, ‘Direk, totoo pala yung tequila! Ngayon lang ako nag-tequila in my whole existence.’ Sabi ko, ‘Talaga ba?’”
Sambot ni Sharon, “Hindi ko kaya yung tequila! Hindi naman in my whole existence. Pero… yung diniretso kong ganun.
“Kasi, noon… I really don’t drink because I have an aversion to alcohol. I actually don’t understand bakit gusto ng tao yung alcohol.
“Pero yung tequila, tunay pala. So, pagganun ko, sabi ko, buti na rin, sa loob-looban ko! Ha! Ha! Ha! Ha!”
Nagpaliwanag si Direk Darryl dahil hindi siya nakapagpaliwanag noon kay Mega. Sabi ni Shawie, okey lang iyon.
Ani Direk Darryl, “Alam ni Marco iyon, hinahabol kasi natin ang araw.”
Mabilis na pag-ayon ni Sharon, “I know! Ang galing ni Marco sa eksenang iyon! Hindi ko kakayanin 'yon kung hindi sa guidance ni Marco.
“Kasi, noong nag-e-explain si Direk, naduduling ako. ‘Ha? Gagawin ko ‘to? Ha? Ha?!’ Nandoon pa ako, hindi pa ako nawawala, eto na…
“Kailangan nang mag-take, kasi tataas na yung araw. So, ‘Marco, you just carry me! I’ll just follow you! OK?!’ Ha! Ha! Ha! Ha!
“So, ginawa namin in one take. That was all in one take! Thank you! Thank you, Marco!
“Direk, that was a good take actually. Kinailangan ko! Nakatulong!”
Dagdag ni Direk Darryl, dapat ding abangan ang shisha moment.
Sundot ni Sharon, “Direk, wala ngang lumalabas na usok doon sa shisha ko, e. Ha! Ha! Ha! Ha! You know, Direk, meron naman akong vape.
“Pero zero nicotine. Zero. Zero. Kesa ilagay ko dito, litson,” pagmuwestra ni Sharon sa bibig habang humahagikgik, “e, di, vape. Puro flavor lang.
“Kesa kumain ako ng strawberry short cake, strawberry flavor na lang. Ganun! Pero Direk, grabe… grabeng experience.
“Lahat ng never ko pang nagawa! Ha! Ha! Ha! Pawie! Ha! Ha! Ha! Buti na lang, malinis sa katawan itong si Pawie!”
Pawie ang term of endearment ni Sharon sa leading man niyang si Marco.
Saad ni Marco, “Nag-scrub ako ng katawan noon, siyempre. Hindi pwedeng hindi. Nakatatlong ligo ako before that take!”
Paghagikgik pa ni Sharon, “Ha! Ha! Ha! Pero enjoy na enjoy! Ha! Ha! Ha! Ha! Ang galing ko, grabe! Ginayd mo ako, grabe, hindi ko kakayanin yon.”
Napangiting pagbabalik-tanaw ni Marco, “Ang nakakatuwa pa doon, since the scene syempre require na we were drinking, so dapat method acting, ganyan.
“E, siyempre, it was our first scene together, di ba? So, sobrang kinakabahan talaga ako. Sabi ko, ‘Direk, OK lang ba kung mag-shot ako ng konting tequila? Pampagaan lang, pampa-boost lang.’
“Tapos, sabi ni Direk, ‘Sige, go. Gawin mo kung ano ang gusto mong gawin.’
“Tapos, I didn’t know na iyong tequila pala na iniinom ko, same tequila na binigay sa 'yo. So, nagulat ka na totoong tequila pala 'yon,” sabi ni Marco kay Sharon.
Sambot ni Sharon, “But I think, it was a good thing, Direk. It would have been so weird kung tubig 'yon. Tapos…
“I think it was a good thing for me doing the scene. Mabilis kasi akong tamaan ng alcohol. Nakatulong! Ha! Ha! Ha! Ha! Ha!”
GORGY RULA
Sinubukan noon ni Sharon na mag-indie sa Cinemalaya sa pamamagitan ng Ang Pamilyang Hindi Lumuluha (2017). Pero parang di gaanong na-gets ng fans niya.
Sana ngayon, dito sa digital film niyang Reviginized, tanggapin na siya. Base sa trailer, ngayon pa lang ito nagawa ng Megastar.
Nae-enjoy raw niya lalo na't gustung-gusto niya ang mga kasamahan niya sa project na ito—mula sa co-stars niya, kay Direk Darryl Yap, hanggang sa production staff at crew.
Ramdam daw niyang mahal siya at alagang-alaga siya, kaya good vibes lang.
Ipinagmamalaki rin ng Viva na ito ang kauna-unahang Pinoy film na magkakaroon ng theatrical release ngayong pandemya sa U.S. at Canada umpisa Agosto 13.
NOEL FERRER
Naka-reserve na ako ng ticket sa KTX para sa pelikulang Revirginized ng ating Megastar Sharon Cuneta.
Mag-i-streaming ito umpisa Agosto 6, Biyernes sa KTX, iWant TFC, TFC IPTV, Sky PPV at Vivamax. Sa Agosto 27 pa ang streaming nito sa Cignal PPV.
Oo, nakakabigla ang trailer, pero gusto kong maranasan at makita mismo ang puwedeng magawa nitong materyal na ito sa aking idolo mula pa sa pagkabata na si Sharon Cuneta.
Sana, maganda, para sulit naman ang pagiging mapangahas ni Shawie sa pagpili at paggawa ng project na ito na ang tagline ay “Pinainit. Pinakipot. Pinasikip.”
Use these GrabFood promo codes when you shop or order online. Marami pang ibang coupons dito.