GORGY RULA
Isa sa nagulat sa biglaang pagpanaw ni Romano Vasquez ay ang actor-politician na si Robert Ortega.
Pumanaw si Romano, sa edad na 51, Linggo ng gabi, January 23, 2022.
Hindi pa na naglalabas ng opisyal na pahayag ang pamilya ni Romano kung ano ang sanhi ng kanyang pagkamatay.
Ayon kay Robert, naging magkaibigan sila ni Romano dahil magkasama sila sa Friday group ng That’s Entertainment.
Ilan pa sa mga kasamahan nila noon sa Friday group ay sina Piolo Pascual, Sharmaine Arnaiz, Tina Paner, Jaypee de Guzman, Kier Legaspi, at Shirley Fuentes.
Wala na raw sila gaanong komunikasyon ni Romano, na ang huling balita niya ay naging abala ito sa negosyo at sa pinasok nitong direct selling.
"Ilang taon ko siya nakasama sa That’s. Medyo troubled type siya pero harmless naman.
"Nalungkot kami ng Friday group dahil kapatid din namin ‘yan," text sa akin ni Robert ngayong Lunes, January 24.
Matagal-tagal na raw walang balita si Robert kay Romano dahil nasa pandemya na tayo at naging abala ang una sa distrito niya sa Maynila.
Pero minsan ay natsi-check daw ni Robert ang YouTube channel ni Romano, at kinilabutan siya nang naalala ang isa sa huli nitong in-upload sa YouTube channel.
Hindi lang daw natin alam kung ano ang gustong ipahiwatig na si Romano dahil sa mga tipo ng mga kantang kinu-cover nito sa kanyang YouTube channel.
Ang isa sa lumang vlogs na nai-post ni Romano ay ang cover nito ng kantang "Kabilang Buhay" ng Bandang Lapis. Si Romano ang nagdirek ng music video na yun na kinunan sa Loyola Memorial Park sa Marikina.
Ipinost niya iyon exactly one year ago, January 24, 2021.
“Check mo sa YouTube niya. You’ll be surprised sa mensahe niya sa type of songs niya.
“Yung 'Kabilang Buhay,' kikilabutan ka,” text pa sa akin ni Robert.
JERRY OLEA
Proud si Romano sa kantang "Chicken Adobo" na inawit niya sa birthday party noon ni Direk Maryo J. de los Reyes, na tumulong noon sa kanyang career.
Naging kaibigan ni Romano ang iba pang mga alaga ni Direk Maryo J., partikular ang Maryo Brothers, na nalungkot sa pagpanaw niya.
Facebook post ni Poppo Lontoc (published as is), "Nakakagulat naman bro. Rest and peace Romano Vasquez. At sa naiwan na pamilya po, buong maryo bros nakikiramay po."
Facebook post ng dating sexy star na si Allona Amor (published as is), "Naging mabuting kaibigan.. pag may show at kinuha namin siya as host sa mga events hindi nag dedemand ng TF.. Naiyak ako kasi kahit papano may pinag samahan..
"Naalala ko lang lagi kami magka partner sa mga Tv Guesting sa Gma 7 yung Videooke Challenge at kami yung nanalo lagy..
"Nakakabigla, Nakakalungkot naman talaga na balita ang pagkawala mo bro.. Romano Vasquez. May you Rest in peace bro.
"Paalam Romano Alaala na lang itong mga pics natin.. Nakikiramay po kami sa pamilya."
Facebook post ni Pamela Ortiz (published as is), “Paalam bro Romano Vasquez sobra nakakagulat Rest in Peace in the hands of our Creator.”
Facebook post ng beteranong showbiz journalist na si Ed de Leon, “Romano Vasquez was one of those That's Entertainment talents that became close to us then.
"I remember meeting him when he approached us on the set of a film then being shot in Tarlac, and introduced himself as a nephew of an actor friend of ours.
"Since then we would talk whenever we meet. He shared with us anything about himself, even his best kept secrets.
"We were also surprised to hear that Romano died last night in their home in Cavite. His remains now are at the Imperial Crown Funeral Homes in Trece Martires, Cavite.
“May his soul rest in eternal peace.”
NOEL FERRER
I came across Romano Vasquez dahil malapit siya sa maituturing din niyang mentor na si Bernardo Bernardo, na sa akin ipinagkatiwala ang paggawa ng kanyang libro.
Bernie had only good words for Romano who also tried theater aside from all the other performances he has done in all other fields.
Nagulat tayo sa kanyang pagkamatay. I’m just happy with the fact na magkikita at magkakasama na silang muli ni Bernie sa kabilang buhay as they were really good friends.