GORGY RULA
Walang masabi si Andre Paras pagdating sa love life ng kapatid niyang si Kobe Paras. Open na open sa social media ang relasyon ni Kobe sa dalaga ni Ina Raymundo na si Erika Poturnak.
Read: Kobe Paras, Erika Poturnak get cozy in Bali "with love"
Hiningan namin ng opinyon si Andre tungkol sa love life ng kanyang kapatid sa nakaraang mediacon ng Daig Kayo ng Lola Ko, na magdidiwang ng kanilang 5th anniversary simula sa Linggo, July 10, 2022.
Nagpaka-safe na lamang si Andre sa kanyang sagot.
Saad niya, “All I can say is I just want my brother to be happy, chase his happiness.
“You know, I guess a lot of people want to know about it. So, if you want to know more about them, I think it’s best if you contact or try to reach out to both of them para they can answer these private things.
“Well, obviously, it’s been public, but all I can say is I’m very happy for my brother and he deserves to be always happy.”
Sa kaso naman ni Andre, pinili muna niyang magpaka-single at mag-focus sa kanyang showbiz career.
“Yes. I am single. Gusto ko muna i-prioritize yung pagiging aktor,” aniya.
“Kakabalik ko lang po, so I really want to learn from the best and medyo nalungkot nga ako kasi nabitin nga ako sa Daig Kayo ng Lola Ko dahil as much as I wanted to spend time nga with sila Ate Jo, Ate Cai, Ate Rufa, para sa ‘kin bitin pa yung mga taping days to learn.
“Kasi, most of the time, nasa chair lang po ako, nagme-make up para sa next character or sa next transition ng Big Bad Wolf.
“So, hindi ako masyadong nakapag-bonding sa kanila, to learn about them, learn about the industry, the craft.
“So, I really want to prioritize learning po as an actor.”
Tampok si Andre sa anniversary episode ng Daig Kayo ng Lola Ko na pinamagatang "Bida Kontrabida" kasama sina Rufa Mae Quinto, Jo Berry, at Cai Cortez.
NOEL FERRER
Pahayag ni Benjie Paras sa isang podcast interview, “Na-realize ko na tatlo lang ang sumisikat sa basketball: Yung una, yung magaling pero hindi gwapo pero sumisikat kasi magaling.
“Yung iba naman, hindi magaling pero dahil guwapo, sumikat.
"Dun ako napunta sa pangatlo—guwapo na magaling pa.”
Reaksiyon ni Andre, “All I can say is na agree ako sa tatay ko. I mean, wala naman sigurong kokontra sa ‘kin sa tatay ko, ang isa mga talagang heartthrobs ng GMA. Siya ang heartthrob, tapos magaling pa mag-basketball.
“So yun, of course, we all know that my dad has always been, ayun nga, jokester, comedian talaga siya.
“So, you know I guess sa statement na yun, nandun na yung pagka-comedy niya, ang truth, yung pagiging honest niya as a person.
“Kaya yun, I do agree doon siya sa No. 3. Guwapo na, magaling pa, mag-basketball, kaya sikat siya.”
E, si Andre, No. 3 rin ba? Mukha naman…
JERRY OLEA
Walang duda na pogilicious ang magkapatid na Kobe at Andre Paras.
Siyempre, malaki ang ambag ng mommy nilang si Jackie Forster kaya ganyan sila ka-yummylicious.
Mga paslit pa lang sina Andre at Kobe nang masilayan namin sa taping ng isang Kapuso sitcom sa Dakak park and beach resort sa Dapitan City, Zamboanga del Norte.
Ang lakas ng dating nila noon pa, at nawindang sa kanilang kapilyuhan ang isang kaibigan namin na tinawag nilang "Big Bakla."