GORGY RULA
Type ba ninyo ang pagpayat ngayon ni Alden Richards?
Sinimulan ni Alden ang pagpapapayat sa The World Between Us, dahil kailangan sa role niya. Seryoso siya sa kanyang diet, at talagang nabago ang lifestyle dahil dito.
Hindi lang maidetalye ni Alden kung anong diet ang sinusunod niya. Pero na-achieve niya ang ganda ng katawan at ang pa-abs.
Itinuluy-tuloy na niya ito hanggang sa sinimulan na niya ang Start Up PH.
Parang mas payat siya ngayon, para magmukhang oppa ang guwapong Kapuso actor. Isa ito sa paghahanda niya kapag may bagong project na ipinagkatiwala sa kanya.
Pero itinuluy-tuloy na niya ang pagpapayat at pagbago ng lifestyle na na-enjoy na niya.
Sabi pa ni Alden sa nakaraan niyang mediacon, "Nag-start po talaga yung pag-change ng lifestyle ko nung The World Between Us. Parang tinanggal ko na po kasi sa isip ko yung magpi-prepare sa isang bagay na alam mong darating.
"So, ngayon po, parang mas naging madali para sa akin na baguhin na talaga totally yung lifestyle ko para kagaya po nito na may mga proyekto tayo na kailangang paghandaan, hindi na po ako... kumbaga yung cramming po nabawasan.
"Hindi na po ako napi-pressure kasi hindi ko na po siya kailangang paghandaan dahil lifestyle ko na po siya.
"So, yun na po yung ginawa kong change sa buhay ko ngayon, and parang sakto nga po lahat. Kasi, lahat nga po aligned, e.
"Lahat tumutugma na hindi po ako napapagod, hindi po ako napi-pressure, hindi po ako nahihirapan, hindi rin po ako feeling deprived.
"Kasi, mas masarap po sa pakiramdam. And at the same time, hindi po ako masyadong nalulungkot with that journey and the process of the change in lifestyle na ginawa ko po sa buhay ko."
Read: Diego Castro, "Lolo Pogi" ang gustong itawag sa kanya ng anak nina Raffa Castro at Joaquin Domagoso
JERRY OLEA
Pakiwari ko, hindi puwedeng idetalye ni Alden ang proseso ng pagpapayat at pagpapa-abs dahil sa ineendorso niyang produkto. Ewan kung may kinalaman ang COVID-19 sa pagpayat ng tinaguriang Asia’s Multimedia Star.
Siyempre, wala ring kinalaman dito iyong hanash kamakailan ni Maine Mendoza sa Eat Bulaga, di ba?
Hayaan na natin at huwag kalkalin ang mga lihim ni Alden para manatili ang kanyang mysterious aura.
At any rate, mas pinili raw ni Alden ang role sa Start Up PH na Good Boy bilang si Tristan para maiba sa mga dati niyang ginagawa.
Mahirap daw ang lahat na role na ipinagkakatiwala sa kanya kaya talagang pinag-aaralan niya.
"Sa totoo po, lahat naman ng roles, very difficult for me. Siguro, it’s because ganun ko siya tini-take. Ayoko pong isipin na merong role na madali. Kailangan lahat po siya pinaghihirapan, para to make it more… parang mas iba kesa dun sa pinortray mo before.
"Kasi, kahit sabihin mo na kapareho lang ng role sa ganitong soap, ganyan-ganyan. Hindi po kasi ako naniniwala dun kasi meron po akong conscious effort to really, parang i-evolve siya from my previous role.
"Parang baguhin yung atake, with the slightest eye movement, physically, pananamit, hairstyle.
"Yun po kasi talaga yung ano ko, e, isa sa mga principles ko as an actor na there are no similar roles na ibibigay sa iyo. You just have to do your assignment, and make it on your own and make it different all the time."
Harinawang matataas ang ratings ng Start Up PH at huwag ma-disappoint ang Kapuso bosses.
NOEL FERRER
Kahit anong gawin ni Alden Richards ngayon ay napipintong maging balita. Kesohodang pagpapapayat niya o design ng mga damit niya o simpleng pagkakasakit niya kahit napakaordinaryo nito ngayon!
Alden may be considered the hottest male star around. I would even go far into saying that Alden is the new Piolo Pascual, na ultimate heartthrob at anuman ang gawin ay napapabalita at may iba’t ibang anggulo.
Just embrace this status and transform it to do good, yun na lang! At hindi lang sa pagpapakabait o mabuting tao, ha, kundi maging sa level of artistry and integrity ng body of works.
Long way to go Alden, but it surely is an exciting ride. I hope it really makes you happier and more fulfilled in the process! All the best!!!