GORGY RULA
Nag-e-enjoy ang JulieVer fans sa pagpu-post ng mga kuha nina Rayver Cruz at Julie Anne San Jose sa Los Angeles, California.
Kasama ang rumored sweethearts sa Together Again show ng GMA Pinoy TV sa Los Angeles, California.
May mga kuhang naglalakad ang dalawa na inaakbayan ni Rayver si Julie Anne. Nahagip din ng kamerang magka-holding hands sila.
Hinihintay na lang ang pormal na pag-amin ng dalawa.
Ingat na ingat tuloy si Barbie Forteza sa pagsagot sa amin nung nakaraang media conference ng bagong historical portal fantasy series na Maria Clara at Ibarra.
Close friends kasi talaga sila ni Julie Anne kaya tinanong ng PEP Troika kung napapag-usapan ba nila ang love life ni Maria Clara.
“Ano po ang huling sinabi nila? Tungkol saan? Baka kasi may masabi ako na hindi pa pala nila sinasabi,” maingat na sagot ni Barbie nang napag-usapan namin ang tungkol kina Julie Anne at Rayver.
Nakikita naman daw niyang masayang-masaya sina Julie Anne at Rayver.
“Happy sila ngayon. Kitang-kita naman po na sobrang saya po ng best friend ko, ng kaibigan kong si Asia’s Limitless Star Julie Anne San Jose, which I really believe matagal na nilang deserved.
“Kasi nga sinasabi ko sa kanya, ‘Dyusko! Na-achieve mo na lahat. Nakuha mo na lahat. Talagang siguro, personal happiness na lang ang kulang,’ I guess.
“And now na nakikita ko naman napakabait ni Rayver. So, I’m very happy that he makes her happy. And ngayon, magkasama sila sa Amerika,” kinikilig na pahayag ni Barbie.
Patuloy niya, “So, ayun, I’m very very excited. So, alam ko, may upcoming concert pa sila, di ba? So, ang dami talagang in store for them.
"I’m just so happy for the both of them, personally and professionally.”
Sinundan pa namin ng tanong kung halatang in love ba si Julie Anne.
“Basta mukha silang very inspired parehas sa lahat na nangyayari po sa kanila,” napapangiting sagot sa amin ni Barbie.
Magsisimula ang Maria Clara at Ibarra sa October 3.
JERRY OLEA
Happy si Barbie Forteza kay Jak Roberto. Happy si Julie Anne San Jose kay Rayver Cruz. Happy si Dennis Trillo kay Jennylyn Mercado.
Sana, maging happy ang televiewers sa Maria Clara at Ibarra, para maging happy rin ang Kapuso executives!
NOEL FERRER
Kung happy nga sila, what’s stopping them from admitting that they are really together?
Oh well, buhay nila iyan…. it’s their choice to be LIMITLESS or LIMITED. Basta everybody happy!!!