GORGY RULA
Tuloy ba ngayong Sabado, Oktubre 15, 2022, ang announcement sa apat pang entries na pasok sa Metro Manila Film Festival (MMFF) 2022?
Itong huling apat na pasok sa Magic 8 ay pipiliin mula sa 22 finished films na isinumite sa Screening Committee ng MMFF.
Read: Coco-Jodi, Vice-Ivana, Ian-Heaven, Joey-Toni movies pasok sa MMFF 2022
Kung hindi ako nagkakamali, nung October 10, Lunes, pa dapat ang announcement pero hindi natuloy.
Wala pa rin silang abiso kung kailan talaga ang ihahayag. May ilang taga-MMDA na kinulit ko pero hindi naman sumagot.
Tikom din ang bibig ng ka-Troika nating si Sir Noel Ferrer pagkatapos niyang mag-submit ng kanyang irrevocable resignation sa MMFF Executive Committee noong Lunes.
May kinalaman kaya ito sa mga tinu-tweet ng isang producer tungkol sa pelikula niyang inaasahan niyang makapasok sa apat na finished films?
Nakakaintriga ang tweet niyang yun, pero hindi naman pinatulan ng mga nasa Screening Committee ng MMFF. Hintayin na lang natin kung makakapasok ang kanyang pelikula.
Malaking challenge sa film producers ang MMFF 2022 dahil wala pa ring katiyakan kung maibabalik ba ang interes ng taumbayan sa panonood ng sine.
Malaking bagay ang sangkatutak na streaming apps natin ngayon na madaling mapanood ng mga tao.
Sabi nga ni FDCP Chairman Tirso Cruz III, dapat may magawa na tayo para sa ikasisigla ng cinemas. Medyo mahirap pa rin daw sa ngayon dahil mahirap tantiyahin ang gusto ng mga manonood para bumili ng ticket sa sinehan.
Ani Chair Tirso, “Alam niyo kung gaano ka-fickle minded ang Filipino. Pag may mag-hit na comedy ngayon, sundan mo ng isa pang comedy, flop. Kasi hindi mo alam ang gusto ng tao, e.
“Very unpredictable talaga, which is ang laking risk ng mga producers.”
Susuportahan ng Film Development Council of the Philippines ang MMFF 2022, pero sabi ng Chair Tirso, hindi ganun kadaling pasiglahin ang ating mga sinehan.
Pero may magagawa raw tayo, kahit pakonti-konti, para maresolba ang problemang ito.
Saad niya, “Ang problema natin dito, it’s not isolated. It’s the whole world. Pumunta kami ng Locarno, kausap namin yung mga Pranses, bagsak ng 30-40 percent ang cinema nila.
“At the end of the day, we’re talking theories. Ang problema, yung theory, paano natin iku-convert into action? That is what we’re going to work on now.
“One step at a time. Kaya hindi nga puwedeng magical overnight. Isa-isa.
"Hindi na baleng slow, basta moving forward. Kesa yung stagnant tayo."
JERRY OLEA
Noong Hulyo 8 inihayag ang first four official entries ng 48th Metro Manila Film Festival (MMFF 2022).
Ang mga ito ay ang Labyu With An Accent nina Coco Martin at Jodi Sta. Maria, The Teacher nina Joey de Leon at Toni Gonzaga, Partners In Crime nina Vice Ganda at Ivana Alawi, at Nanahimik Ang Gabi nina Ian Veneracion, Heaven Peralejo at Mon Confiado.
Buti at itinama ng MMFF ang title ng movie nina Ian, Heaven at Mon. Sa unang Facebook announcement ay “Nananahimik Ang Gabi” ang inihayag nila.
Noon pa man ay ini-announce na kesyo Oktubre 15, Huwebes, ang announcement kung anu-ano ba talaga ang 8 official entries nasabing ng December filmfest.
Take note na ang Oktubre 15 ay Sabado, hindi Huwebes.
Naulinigan natin na noong Oktubre 10, Lunes, sana ang announcement ng apat pang entries ng MMFF 2022, pero “mahiwaga” ang ihip ng hangin kaya hindi ipinagpaliban iyon.
Nakapag-meet ng September 30 deadline ang 22 films na aspiring sa apat pang slots ng 48th MMFF.
Mami-meet din kaya ng MMDA ang October 15 announcement ng official entries?
Abang-abang tayo kung ibabalik sa sampu ang bilang ng mga kalahok.
Nobyembre 10, 2021 nag-reopen muli ang local cinemas. Hindi pa nagbukas ang iba.
Sa ngayon ay may mga sinehang sarado pa. Maraming sinehan na sarado kung Lunes.
Sa Cash n’ Carry na dalawa ang sinehan, isa lang ang nag-open, at sarado iyon pag Monday and Tuesday.
Dahop sa sigla ang MMFF 2021, kung saan nanguna ang horror movies na The ExorSis nina Toni at Alex Gonzaga, at Bawal Lumabas trilogy nina Beauty Gonzalez, Aiko Melendez, at Kim Chiu.
Kahit pangalawa sa takilya ng MMFF 2021 ang Bawal Lumabas, ipinagpaliban ng producer nito ang paggawa ng bagong horror movie na Poon.
Kahit more and more ang banyagang pelikula na ipinalabas, iilan lang ang dinumog talaga ng moviegoers. Kabilang sa mga ito ang Top Gun: Maverick, Jurassic World Dominion, Doctor Strange in the Multiverse of Madness, at Minions: The Rise of Gru. Pumasok din sa ating diwa ang The Batman, Thor: Love and Thunder, at Fantastic Beasts: The Secrets of Dumbledore.
Iisa pa lang ang local movie na namayagpag sa takilya this year, ang Maid in Malacañang na nakasentro kay Senator Imee Marcos na ginampanan ni Cristine Reyes.
“Nagpapasalamat ako sa overwhelming support for Maid in Malacañang,” saad ni Sentor Imee sa Pandesal Forum nitong Oktubre 14, Biyernes, sa Kamuning Bakery, Judge Jimenez St., QC.
“We have been showing for upwards of nine weeks. Nagpi-premiere pa sa London, nagpi-premiere pa sa kung saan-saan.
“Nag-three weeks sa Japan at pabalik-balik sa Middle East. Nagdoble sa Dubai.
“And then in Europe now, they just opened in London and I think we’re going to be opening as well in Madrid and elsewhere.
“So, nagpi-premiere pa siya. Pero dito sa local, more importantly tuwang-tuwa ako dahil umabot ng nine weeks plus ang palabas.
“Well, nagulat talaga kami because more important than the success of the film, although it’s a wonderful surprise, is the fact that we forced open virtually all the theaters.
“Many, many of the theaters. Hindi naman lahat pero halos lahat, malapit-lapit na, and natutuwa ako dun sa suporta at yung pagbalik ng mga manonood sa sinehan.
“Sa wakas, nagbalikan na. At least, mukhang hindi na tayo takot at yung sinasabing pandemic, endemic na nga talaga.
“Dahil nagpuntahan, nagbalikan na yung tao sa sinehan. So it’s possible, we can start making movies again.
“The other thing is, with this film, I realized that the real issue in the creative industry will be… ahh not the production so much as the distribution.
“Distribution has become a challenge in the creative industry lalo na sa sine dahil nga eto ang problema ng pandemic at yung ating mga teatro.
“Mabuti na lang, napakaraming iba’t ibang mga channels, mga platforms. Platforms online, streaming services, pay-per-view and so on and so forth.
“So, we’re very, very fortunate that this is the case. And I’m hopeful that this will continue for many other films. So tuwang-tuwa ako.”