JERRY OLEA:
Pagpupugayan sina Susan Roces at Cherie Gil sa 5th EDDYS ngayong Nobyembre 27, 2022, Linggo, sa Metropolitan Theater (MET) ng Maynila.
Pararangalan din bilang Icons ng pelikulang Pilipino sina Tito Sotto, Vic Sotto, Joey de Leon, Phillip Salvador, Roi Vinzon, Helen Gamboa, Divina Valencia, Elizabeth Oropesa, Sharon Cuneta, at Alma Moreno.
Ang programa ay iho-host ni Boy Abunda, with Ice Seguerra as director. Isa rin si Ice sa performers, along with Jona, Zephanie, and Regine Tolentino kasama ang Dance Royalties.
Ang EDDYS (Entertainment Editors’ Choice) ay proyekto ng Society of Philippine Entertainment Editors (SPEEd), ang samahan ng mga entertainment editor ng major broadsheets at tabloids sa bansa sa pangunguna ni Eugene Asis (People’s Journal) bilang presidente.
Gaya ng dati, mainitan at mahigpitan ang labanan para sa iba't ibang kategorya ng EDDYS.
Sa pagka-Best Actress, magsasalpukan sina Janine Gutierrez (Dito at Doon), Kim Molina (Ang Babaeng Walang Pakiramdam), Maja Salvador (Arisaka), Charo Santos (Kun Maupay Man It Panahon), at Alessandra de Rossi (My Amanda).
Sino kaya ang tatanghaling Best Actor mula sa mga nominadong sina John Arcilla (On The Job: The Missing 8), Christian Bables (Big Night), Dingdong Dantes (A Hard Day), Daniel Padilla (Kun Maupay Man It Panahon), at Piolo Pascual (My Amanda)?
Para sa Best Supporting Actress category, nominado sina Janice de Belen (Big Night), Lotlot de Leon (On The Job: The Missing 8), Eugene Domingo (Big Night), Elizabeth Oropesa (Huwag Kang Lalabas), at Rans Rifol (Kun Maupay Man It Panahon).
Patalbugan sa Best Supporting Actor category sina John Arcilla (Big Night), Mon Confiado (Arisaka), Christopher de Leon (The Missing 8), Ricky Davao (Big Night), at Dennis Trillo (On The Job: The Missing 8).
- Victor Consunji, Rachel Carrasco all smiles at famous bridge in Paris
- Justin Cuyugan on breakup with Dawn Chang: "It was very traumatic."
- Sharon Cuneta lovingly calls out Mavy Legaspi for calling her "Ms."
- Herlene Budol, nabatikos dahil sa pajama photos niya sa puntod ng kanyang lola
GORGY RULA:
Nominado para sa Best Film ng 5th EDDYS ang Arisaka (Ten17 Productions), Big Night (The IdeaFirst Company), Dito at Doon (TBA Studios), Kun Maupay Man It Panahon (Black Sheep, Globe Studios, Dreamscape Entertainment), at On The Job: The Missing 8 (Reality Entertainment).
Bakbakan para sa Best Director category sina Erik Matti (On the Job: The Missing 8), Mikhail Red (Arisaka), Jun Robles Lana (Big Night), Carlo Francis Manatad (Kun Maupay Man It Panahon), at JP Habac (Dito at Doon).
Para sa special awards ngayong taon, ipagkakaloob ang Joe Quirino Award sa entertainment journalist at TV correspondent na si Mario Dumaual.
Ang scriptwriter at dati ring editor na si Eric Ramos ang tatanggap ng Manny Pichel Award. Ang Rising Producer Circle award ay ipagkakaloob sa Rein Entertainment.
Ang Viva Films ang napili ng SPEEd bilang Producer of the Year.
Para sa Isah V. Red Award, pararangalan sina Gretchen Barretto, Kris Aquino, Alfred Vargas, Kapuso Foundation, at Sagip Kapamilya.
Ang ikalimang edisyon ng The EDDYS ay presented ng SPEEd at Fire and Ice Media and Productions, in partnership with GLOBE, sa pakikipagtulungan ni Rhea Anicoche Tan at ng Beautederm, NCCA, at Metropolitan Theater.
Kabilang sa mga sponsor ng 5th EDDYS ang Nathan Studios, Rep. Arjo Atayde, UNILAB at Tanduay. Suportado rin ito ng Live Stream Manila, Dr. Carl Balita Foundation ni Dr. Carl Balita, Federation Of Filipino Chinese Chambers of Commerce & Industry, Inc. (FFCCCII), JFV Rice Mill, Bataan Rep. Geraldine B. Roman, Mayor Joy Belmonte, Jinkee Pacquiao, Bernard Cloma, MullenLowe Treyna Inc., Browne Communications. Kasama pa ang Cetaphil, Avon, Dermclinic, at Watsons.
Ang pagbibigay ng award ng SPEEd ay isang paraan para hikayatin, lalong pataasin ang morale, at patuloy na magbigay-inspirasyon sa Filipino filmmakers, producers, writers, actors at iba pa na bumuo ng makabuluhan at dekalidad na pelikula.
NOEL FERRER:
Nakakamangha ang effort ng mga grupo na magdaos pa rin ng bonggang awards ceremonies.
But unlike the days when awards nights were televised and highly rated, parang ang estado ngayon ay pilit nating binubuhay ang interes ng mga tao na bumalik ng panonood ng sine sa mga sinehan.
We may need to recast and reinvent award giving ceremonies na rin siguro. Pahirapan na ring mag-imbita ng mga artista na dadalo sa mga seremonyang ito kasi.
Sabi nga, iniiwasan din nila na maging parada ng mga Da Hu ang event na ito. So let’s see. Effort kung effort talaga ito!!!