JERRY OLEA
Pasok ngayon sa Top 10 TV Shows at Top 10 Movies ng Netflix Philippines ang Call Me Tita at Whistleblower, respectively, kung saan bida si Cherry Pie Picache, at kasama si Angelica Panganiban.
Nasa pangatlong puwesto na ng Top 10 TV Shows in the Philippines Today ang 2019 iWant series na Call Me Tita (8 episodes) kung saan bida sina Cherry Pie, Agot Isidro, Mylene Dizon at Joanna Ampil, with Angelica.
May special participation dito si Lorna Tolentino.
Pwetmalu si Mark McMahon sa harutan nila ni Cherry Pie sa kitchen.
Ang Call Me Tita ay idinirek ni Andoy Ranay, at nasa cast din nito sina Jay Manalo, Ice Seguerra, Nonie Buencamino, Marlon Rivera, Sherry Lara, Harlene Bautista, Migs Almendras, Ross Pesigan at marami pang iba.
Ito pa lamang Call Me Tita ang Pinoy series na nakasama sa Top 10 TV Shows ng Netflix Philippines this year. Shrimp! Shrimp!
Sa listahan ng Top 10 Movies ay bumalik ang Whistleblower nina Nora Aunor, Cherry Pie, at Angelica.
Gaya kamakailan ay nasa pansampung puwesto ang 2016 movie na idinirek ni Adolf Alix Jr.
Nasa cast din ng Whistleblower sina Carlo Aquino, Laurice Guillen, Ina Feleo, Anita Linda, Bernardo Bernardo, Menggie Cobarrubias, Benjamin Alves, Lloyd Samartino, Liza Lorena, Cogie Domingo, Rosanna Roces, Ricky Davao, Vangie Labalan, Yul Servo, Sharmaine Arnaiz, Celeste Legaspi, Pancho Magno, Alan Paule, at iba pa.
Read: 5 things to know about Nora-Angelica-Cherry Pie political thriller, Whistleblower
Ang isa pang Pinoy movie sa Top 10 ay ang 2020 horror twinbill ng iWant TFC na Sitsit (2020), na bumaba sa pang-anim na puwesto.
Bida si Jake Cuenca sa “Scorpio” episode, kung saan co-stars sina Dido de la Paz, Sarah Patricia Gill, Lito Capina, Princess Myreli Orapa, Shirley Tupaz, Francis Mata, Rebecca Chuansu, Mina Cruz, Vincent Mijares, at Manu Respall.
Bida si Ivana Alawi sa “Aswang” episode, at nasa cast din nito sina Ella San Andres, Aria Amante, Emma Ribbot, Rosemarie Tablan, Marlon Garin, Tim Angeles, Joel Lacap iba pa.
Maliban sa Sitsit at Whistleblower, ang isa pang Pinoy movie na napasama sa Top 10 Movies ng Netflix Philippines ngayong 2023 ay ang Clarita ni Jodi Sta. Maria.
Sa Enero 27 ay mag-i-streaming na sa Netflix Philippines ang Cinemalaya 2008 film ni Mylene Dizon na 100. Co-stars dito sina Tessie Tomas at Eugene Domingo.
Naka-lineup ding mag-streaming sa Netflix Philippines ang 2012 film na I Do Bidoo Bidoo: Heto nAPO Sila na pinagbidahan nina Sam Concepcion at Tippy Dos Santos. Kasama rin po dito sina Gary Valenciano, Zsa Zsa Padilla, Ogie Alcasid, at Eugene Domingo.
Ang Top 10 TV Shows in the Philippines Today:
- The Glory
- Alchemy of Souls
- Call Me Tita
- Vikings Valhalla
- Alice in Borderland
- Poong, the Joseon Psychiatrist
- Single’s Inferno
- Wednesday
- Ginny & Georgia
- The Interest of Love
Ang Top 10 Movies in the Philippines Today:
- The Croods: A New Age
- Where the Crawdads Sing
- Dog Gone
- Terminator Genisys
- Matilda the Musical
- Sitsit
- The Pale Blue Eye
- Glass Onion: A Knives Out Mystery
- Jupiter Ascending
- Whistleblower
NOEL FERRER
Ngayon ko lang napanood nang buo ang Call Me Tita at maganda pala talaga ang series, at napakagaling nilang lahat.
Nagawa nilang interesting ang series na masaya lang sila dahil may tiwala at pagmamahal sila sa direktor na si Andoy Ranay.
Alam ko, meron pa sanang Season 2 iyan na hindi na lang natuloy dahil sa pandemya. Pero ngayong ok na ang panahon, sana magtiyap ang mga sked ng mga Tita at matuloy na ang reunion nila.
Napanood ko rin sa Netflix ang Whistleblower na sadyang napakagaling naman nina Cherry Pie, Angelica, at Ate Guy among all the other actors.
Salamat sa Netflix at yung mga hindi ko napanood noong regular run nila ay napapanood ko rito, lalo pa’t Filipino content. More!!!
GORGY RULA
Sa Netflix ko na rin napanood ang Whistleblower. Star-studded at ang gagaling ng mga artista.
Medyo nabitin lang ako sa ending. Ang kaagad na reaksiyon mo, yun na ba yun?!
Sa pagkakaalam ko, tipong ganito ring Whistleblower ang isa sa gustong gawin ni Direk Joel Lamangan sa pagbabalik-trabaho niya, pagkatapos niyang ma-triple bypass.
Matagal ko nang napanood ang Call Me Tita. Bakit nga ba hindi na ito nasundan? Sobrang bitin ang ending.
Bukod sa Netflix, abangan din natin ang Ten Little Mistresses (Sampung Mga Kerida) ng The IdeaFirst Company nina direk Jun Lana at Perci Intalan. Tutukan natin ito sa Amazon Prime Video simula February 15.
Curious din ako sa Korean action-drama na Big Bet na kinunan dito sa atin. Bongga ang role dito ni Nico Antonio, at marami pa sa mga Pinoy actors natin ang tampok sa Korean series na ito.
Kasalukuyan naman itong napapanood ito sa Disney Plus.
Read: Big Bet's budget costs P1B; Nico Antonio, other Filipino stars join cast of K-drama series