GORGY RULA
Nagbida si Wilbert Ross sa Vivamax movies na Boy Bastos at 5 in 1, pati sa seryeng High (School) On Sex.
Hindi siya all-out sa paghuhubad sa mga ito, maging sa bagong seryeng Stalkers na pinagbibidahan nila ni Rose Van Ginkel.
May limitations si Wilbert dahil para sa kanya, conservative pa rin ang mga tao at hindi pa ganun katanggap ang Vivamax stars.
“Hindi ko sila masisisi, kasi nasa Pilipinas tayo. Medyo conservative talaga mga tao dito, medyo old school pa rin dito,” pahayag ni Wilbert nang nakapanayam namin sa DZRH nung Pebrero 22, Miyerkules.
“Hindi pa ganung ka-liberated, hindi pa ganun katanggap. And, yeah, hindi ko sila masisisi… wala e, nasa Pilipinas tayo e. Maybe soon, maging okay na sila soon.”
Kahit ang mga dati niyang kasamahan sa It’s Showtime, hinahayaan na lang daw niyang kantiyawan siya nina Vice Ganda na tinatawag siyang "bold star."
Sabi ni Wilbert, “Tinatawanan ko na lang po. Honestly, never siguro ako maging super comfortable talaga na maghubad on screen. Never siya maging comfortable for me.
“Ginagawa ko lang yun dahil may comedy. I’m a comedian than the bold star siguro.”
Streaming ang four-part Stalkers umpisa Pebrero 26, Linggo, sa Vivamax.
Idinirek ito ni Easy Ferrer, at nagtatampok din kina Mark Anthony Fernandez, Nico Locco, Yayo Aguila, Rash Flores, Gwen Garci, at Chloe Jenna.
NOEL FERRER
Kaninong yapak kaya ang gustong tuluran ni Wilbert Ross kung sex comedy? Joey Marquez or John Estrada?
Although aside from the sexy publicity photos na uso noon, hindi naman lumaban sa hubaran ang mga alaga ni Tito Douglas Quijano. And later on, both Joey and John went on winning awards dahil naging mahusay rin silang aktor.
Sexy comedy ala Al Tantay?
Pati naman ang yumaong Eddie Garcia, nalinya rito, pero ang sexy doon ay ang tema ng mga pelikula niyang may pagka-naughty, hindi siya.
So, mala-George Estregan kaya o Vic Vargas ang peg ni Wilbert?
Basta sana, mag-evolve siya sa kanyang pag-arte para tumatak siya at hindi iyung may taning ang kanyang shelf life bilang aktor.
JERRY OLEA
Noong Pebrero 22, Miyerkules, ay Ash Wednesday. Umpisa ng Kuwaresma.
Ngayong Pebrero 24, Biyernes, streaming na sa Vivamax ang pinakapasabog na movie nila this year so far, ang Suki nina Azi Acosta at John Flores.
Umaatikabo ang mga hubaran at harutan sa Suki, kinabog ang Lagaslas nina Manang Medina at VR Relosa na last Friday nag-umpisa. Walang binatbat ang Mang Kanor ng AQ Prime!!!
Ito namang Stalkers ang first Vivamax project ni Direk Easy Ferrer.
First-ever role ito ni Wilbert na may pagkaseryoso, pero andoon pa rin iyong pagkainosente ng karakter.
Siyanga pala, pinalitan na ang title ng Vivamax movie nina Ayanna Misola, Nikko Natividad, at Alma Moreno. Hindi na Botox Beauty ang title nito, kundi Salamat Daks.
Samantala, streaming na sa AQ Prime starting today, Friday, ang Episode 1: "Mask for Mask" ng Pinoy BL series na Stuck On You, starring Yves Flores, Iyo Canlas, Beverly Cumla, at Bryan Royeca.
Iyong Upuan starring Krista Miller, Andrew Gan, and Nika Madrid ay sa Marso 3, Biyernes, na ang streaming sa AQ Prime sa halip na Pebrero 28, Martes.
Streaming na sa Netflix Philippines ang DonBelle movie na An Inconvenient Love, at hinihintay natin kung ano ba agad ang kapupuwestuhan nito sa Top 10 Movies in the Philippines Today.
Sa Top 10 in the Philippines ng Prime Video ay nangunguna pa rin ang pelikulang Ten Little Mistresses nina Eugene Domingo, John Arcilla, Pokwang ,at Christian Bables.