GORGY RULA
Nangunguna ngayon ang The Write One sa top-rated shows ng Viu, isang streamng provider na nakabase sa Hong Kong.
Nagsimula ang romance-drama-fantasy series na ito ng GMA Public Affairs sa VIU nung March 18, 2023, Sabado, at nakakadalawang episodes na ito ngayon.
Ngayong Lunes ng gabi, March 20, ito magsisimula sa GMA-7 pagkatapos ng Hearts on Ice.
Napakabilis ng takbo ng kuwento ng The Write One.
Sa pilot episode pa lang ay siniksik ang kuwento nina Liam (Ruru Madrid) at Joyce (Bianca Umali) nang magkita sila uli pagkatapos nilang mag-classmate sa kanilang school, hanggang sa nabuo ang pagmamahalan, nagpakasal, nagkaanak, at nagkakaproblema na ang kanilang pagsasama.
Palibhasa magkasintahan naman sina Ruru at Bianca, kumportable na sila sa isa’t isa. Meron agad mainit na kissing scene at mukhang madami pa ito.
Bukod sa tambalang Ruru at Bianca, tampok din sa The Write One ang tambalang Paul Salas at Mikee Quintos.
Pero ang isa pa sa kaabang-abang ay ang pagsasama muli ng dating mag-asawang Ramon Christopher at Lotlot de Leon.
Read: The "we are parents first" set-up of Lotlot de Leon and Ramon Christopher
Sabi nga ni Lotlot, “Welcome back to the '80s!”
Ayon pa kay Lotlot, wala namang isyu sa kanya kung magsama sila uli ni Monching.
“It’s always a blessing to have a project, but it’s double blessing if you’re working with the right people and kung maganda yung outcome ng project.
“When this was presented to me and I heard about the story, I said, 'Why not?'
"And they said Mon is going to be there, I said, 'Why not?' And it’s been 20 years this year, since we’ve worked together on screen. So, bakit hindi na lang natin iisa?
“So, it’s so nice to work with all these young actors, and our production, our director, mas sobrang nakalatag lahat yung plano nila. Ang ganda ng lahat.
"Smooth sailing ang lahat, and I think mas... today, correct me if I’m wrong, mas na-inspire tayong lahat after we saw this beautiful trailer that was presented to you today,” pahayag ni Lotlot sa nakaraang mediacon ng The Write One.
Aminado si Monching na kinabahan siya nung unang raw ng taping nila ni Lotlot. Pero ang pinakamasaya sa pagsasama nila uli ay ang kanilang mga anak.
“Nung una, siyempre ninerbiyos ako, pero kasi matagal na kaming hindi nagka-work. So, baka hindi na sanay,” pakli ni Monching.
“Siya talaga yung ninerbiyosin sa akin,” bulalas naman ni Lotlot.
Patuloy ng aktres, “Everything was smooth. And prior to this project naman, because we have four children between us, we never had a problem.
"So, this is actually a blessing. Masayang-masaya ang lahat na anak ko."
NOEL FERRER
This The Write One project seems to be enjoying all the good vibes from the creators, the actors, and the production.
Parang lahat nagdya-jive at walang nega, at maganda at cool lang ang lahat at nakatulong ng malaki ang pag-shoot nila sa malamig na Tagaytay, Cavite.
But wait, there’s more! May international leg pa raw ito.
Pero bago noon ay papanoorin ko muna ito mamaya sa GMA-7 sa pilot telecast nito.
Teka, magkatapat ba ang The Write One nina Lotlot at Monching at ang Dirty Linen ng panganay nilang si Janine Gutierrez?
Baka naman hindi, para masuportahan naman nila ang shows ng isa’t isa, di ba?
JERRY OLEA
Mga Lihim ni Urduja vs FPJ’s Batang Quiapo.
Hearts On Ice vs The Iron Heart.
The Write One vs Dirty Linen.
Oo nga, katapat ng balik-tambalan ng Lotlot-Monching ang teleserye ng daughter nilang si Janine!
And yes, ngayong multi-awarded actress na si Lotlot with an Urian to boot, normal lang na kabahan si Monching.
At kung meron silang kissing scene, meron pa bang kakabahan sa kanila? At kung meron, sino ang mas…?!