GORGY RULA
May naririnig kaming posibleng ilipat ang noontime show Tropang LOL sa ibang istasyon.
Read: Tropang LOL, magpapaalam na sa ere sa April 29 — sources
Ayon sa ilang napagtanungan ng PEP Troika, pursigido ang Brighlight Productions na ituloy pa rin ang Tropang LOL, lalo na ngayong napapansin at nagustuhan na ito ng advertisers.
Nagsisimula na raw silang bumawi dahil naintindihan nilang dapat mahaba ang pisi para mapatagal ang ganitong klase ng programa. Pero dahil sa maganda ang rating at puno naman ng commercial loads, ng Tropang LOL, wala sa isip nilang isara na ito. Kaya tuluy-tuloy talaga sila.
Pero naisipan ng TV5 na ibalik ang Face to Face, ang dating maingay na programa ni Amy Perez.
Gusto nila ang dating timeslot nitong alas-onse ng umaga, at iakyat na sa alas-dose ng tanghali ang It’s Showtime.
Dahil dito, nawalan ngayon ng oras ang Tropang LOL.
Nagsimula naman talaga ito sa tanghali, at mahirap sa kanilang ilipat sa ibang timeslot.
Sinubukan daw ng mga taga-Brighlight na huwag galawin ang timeslot ng Tropang LOL, pero napagdesisyunan na ng TV5 management na ibigay ang timeslot nito sa Face to Face, na ihu-host nina Karla Estrada at Alex Calleja.
Gusto pa rin daw nilang ituloy ang noontime show na ito, kung makahanap lang ng tamang venue. Posible kaya sa NET25?
Wala pang sagot sa amin ang taga-Brightlight kung ano ang kanilang plano. Pero marami raw possibilities na dapat nating abangan.
Bukas ang PEP Troika sa paliwanag ng TV5 kaugnay sa isyung ito.
Read: Bayani Agbayani, thankful at no regrets sa pagpaalam ng Tropang LOL
JERRY OLEA
Ang daming posibilidad.
Naglalaro ang iba’t ibang what if sa kapalaran ng Tropang LOL.
Nakaabang din tayo sa mga kaganapan sa Eat Bulaga!.
Sa rebranding ng programa, andoon pa rin ba sina Tito, Vic & Joey? Kung waley na, pangungunahan ba iyon nina Jose Manalo, Wally Bayola, at Allan K, plus Kuya Kim Atienza?
Siyempre, malabong lumipat sa ALLTV ang Tropang LOL.
E, kung makipag-collab ang GMA-7 sa Brightlight Productions?! Ma-imagine ba ninyo ang Tropang LOL na nasa Kapuso Network, sa GMA man o GTV?
NOEL FERRER
Ang daming nangyayari, ang init pa!
Basta tayo, abangers lang susunod na kabanata. Mangyayari ang dapat mangyari.
At nandoon lang tayo at nakasuporta sa mga taong patuloy nagsisikap para mapabuti ang trabaho at sarili!!! All the best!!!