JERRY OLEA
Pinag-usapan na ng MMFF ExeComm ang 50th anniversary ng Metro Manila Film Festival sa susunod na taon.
Isiniwalat ni MMDA Acting Chairman and MMFF Concurrent Chairman Atty. Don Artes noong Hulyo 10, 2023, Lunes, sa bagong gusali ng MMDA sa Doña Julia Vargas Avenue, Pasig City, na pang-international na ang MMFF!
Read: MMFF Screening Committee, di nasilaw sa star value sa pagpili ng official entries
Ani Chairman Don Artes, “Noong nagpadala po tayo ng entry sa San Francisco Film Festival, yung About Us But Not About Us, na-announce ko na po ito noong Summer film festival, na meron pong letter of intent to hold an international screening para sa Metro Manila Film Festival entries.
“Nakipag-meet po ang ating delegation kay Miss Lisa Lew, siya po ay eight-time Emmy award-winning producer sa Hollywood.
“Ang kanya pong asawa ay partner sa isang malaking production company sa Amerika. Sila po ang maghe-head ng production company na magdadala ng mapipili nating walong entries sa December.
“Ipapalabas po iyan sa L. A., San Francisco, and Chicago. Magkakaroon po ng sariling awards night.
“Ang magiging jurors po ay Fil-Am actors sa Hollywood, at magkakaroon po ng launching sa October, sa Filipino Heritage Week sa L. A.
“At masasabi ko po na parang done deal na po ito, konting nitty-gritty na lang ang pag-uusapan.
“Nag-agree na rin po sila sa ilang demands natin, like gagastusan nila ang producer at isang main actor or actress para po dalhin sa Amerika, at dito po sa tatlong lugar na ito, at para po rin sa awards night.”
Ang target na pagpapalabas sa USA ng walong 49th MMFF entries ay sa Enero 2024.
Kasama riyan ang first four entries ng MMFF 2023 na A Mother and Son’s Story, (K)ampon, Penduko, at Rewind.
Read: Sharon-Alden, Dingdong-Marian starrers among first four official entries to MMFF 2023
“Iyon pong entries ng 49th MMFF sa December, iyon po ang dadalhin sa Amerika, I think third week of January,” sabi pa ni Chairman Don Artes.
Sa October launch ng international edition ng MMFF sa Los Angeles, California, ipapalabas ang Top 3 best picture ng 1st Summer MMFF — About Us But Not About Us, Love You Long Time, at Here Comes The Groom.
GORGY RULA
CaMaNaVa (Caloocan, Malabon, Navotas, Valenzuela) ang mga lungsod na magho-host ng 49th MMFF.
Pahayag ni Chairman Don Artes, “Kausap ko po yung mga mayors po ng CaMaNaVa para mas malaki po yung cover na area. Dun po yung magiging parade.
“Dikit-dikit naman po sila. So, itatawid na lang po natin, and paplanuhin kung saang city mag-uumpisa at magtatapos.”
Baka masyadong mahaba ang Parade of Stars sa December?
“Hindi po. Magkakatabi naman sila. Hindi naman po iikutin lahat ng city. More on padadaanin lang po,” sabi ni Chairman Don Artes.
Mas malaki ba ang budget ng 49th MMFF dahil apat ang host cities nito?
“Ganundin po naman. Yung ruta lang siguro ang pag-uusapan namin kung saan mag-start para mas marami po ang ma-cover nating area.”
Ang chairman ng MMFF 2023 Selection Committee ay si Jesse Ejercito na isa sa mga haligi ng industriya ng pelikulang Pilipino. Kabilang din sa naturang komite ang multi-awarded scriptwriter na si Roy Iglesias.
Ilan na ba ang operational na sinehan nationwide?
“Nito pong nakaraan, nasa 700 na tayo. Dati, halos isang libo na yan, e,” saad ni Chairman Don Artes.
“So we’re hoping na mabuksan as many as possible. Ang naging problem po kasi nung nakaraan, yung piyesa raw po ng mga projectors, ng mga ganun…
“Na sa tingin ko naman po, nagawa na by this time. So, hopefully, madagdagan po.”
NOEL FERRER
In fairness sa unang apat na entries ng 49th MMFF, deserving talaga ang mga ito at talagang masinsin ang mga script.
Magandang malaman na patapos na ang shoot ng Sharon Cuneta-Alden Richards project anytime soon at plantsado na ang pagsu-shoot ng Dingdong Dantes-Marian Rivera project na Rewind.
As for (K)Ampon, tuloy na tuloy ito. Kahit nabanggit ni Derek Ramsay na retirement mode na siya ay naka-commit siyang gawin itong pelikulang ito now with Beauty Gonzalez (na role dati ni Kris Aquino).
Read: Derek Ramsay, tuluyan nang nag-backout sa MMFF 2019 entry
Pagkatapos, ito namang Penduko na challenging, especially since Matteo Guidicelli has his hands full of work sa GMA with Unang Hirit and Black Rider.
Tingnan natin kung paano niya itatawid itong pelikula, which could be the biggest film of his career.
Good luck sa first four entries, at hihintayin natin ang finished film submission until September 29 naman.