GORGY RULA:
Inulan ang ceremonial start ng Motorsport Carnivale noong Agosto 2, 2023, Miyerkules, 6:00-7:00 p.m., sa Boardwalk ng Okada Manila, Parañaque City.
Malakas ang ulan pero tuloy ang event. Wet look tuloy ang racers at mga modelong mala-Rio de Janeiro Mardi Gras ang costumes.
Sabi ni Konsehal Jomari Yllana na punong-abala sa flag off, rain and mud are part and parcel of races.
Present din sa flag off ang panganay ni Jomari na si Andre Yllana, at ang fiancée na si Abby Viduya.
Jomari Yllana with son Andre
Kahapon, Agosto 3, ay nag-break muna ang Motorsport Carnivale.
Ngayong Agosto 4, Biyernes ng 8:00 p.m.-12:00 mn, ang Cart Meet in memory of Mang Ed del Rosario.
Doon pa rin ito sa Boardwalk ng Okada Manila, maging ang events sa Sabado (3:00 pm-12:00 mn) at Linggo (8:00 am-12:00 mn).
Sa mediacon noong Agosto 1, Martes, ay inihayag nina Jomari at Abby na ang civil wedding nila ay sa Nobyembre sa Las Vegas, Nevada.
Read: Abby Viduya, Jomari Yllana set November wedding date
“I cannot be away from work as a councilor, as a legislator. Hindi ako puwedeng mawala nang Thursday,” sabi ni Jomari.
“So, nag-timing kami ng Halloween for a break para makaalis lang ako nang mabilis. So we’re planning, yeah, tuloy naman siya ng November.
“We’ll just fly out very quick. And then church wedding kami ng sometime next year, latest siguro is 2025.
“The church wedding is in my hometown. Hometown ng mommy ko saka ng daddy ko. Peñafrancia in Naga City, Camarines Sur.”
Maayos ang career at love life ni Jomari. Ano ang pakiramdam niya?
Napangiti ang actor-politician, “Masarap! Excited nga kaming test-ingin yung Okada room namin, e!
“Joking aside, we’re very, very happy. We’re very, very blessed. Ahhmm we’re doing everything together.”
Paano nila sinusuportahan ang isa’t isa, partikular pagdating sa kani-kanyang pamilya?
“Yung support namin, e, pantay sa isa’t isa. Ang pinagdadaanan ko sa pamilya, part siya. Kasi pamilya rin siya,” tugon ni Jomari.
“Yung pinagdadaanan ni Abby sa pamilya niya, part din ako, kasi pamilya siya.
“Although we’re ano… we are… dun sa situation na kami na tanggap na namin. Tanggap na namin yung mga nakaraan. Nakapag-move on na din kami.
“So, ano din kami, moving forward. Ang hinaharap namin, pamilya namin, pamilya niya. Ikakasal kami.
“And masaya kami. So, ang tingin namin, sa harap lang. Hindi na kami tumitingin sa nakaraan.”
NOEL FERRER:
Hopefully, maging OK na lahat, specifically pagdating sa kuya ni Jomari na si Anjo Yllana.
Sa open forum ay nabanggit ni Jomari ang pangalan ni Anjo, maging ang character nitong Tikboy sa Kapamilya sitcom na Palibhasa Lalake.
Andiyan din siyempre ang suporta sa kanya ni Abby.
“Yung understanding namin ni Abby will always be there,” sambit ni Jomari, at napatango ang katabi niyang fiancée.
Pagpapatuloy ni Jomari, “Any issue with my family saka family ni Abby, ahhmm… issues na… nakapag-move on na kami.
“We never closed doors. Wala namang masamang tinapay sa amin. Walang masamang tinapay sa amin.
“Ano lang kami, we’re just looking forward, and isa iyan sa ipinagdarasal namin. We always pray for everyone.”
JERRY OLEA:
Blood is thicker than water, 'ika nga.
Pagtango ni Abby, “Family is family. And we’ll always be family.”
Tanggap na tanggap si Jomari ng mga anak ni Abby.
“Oh yes! Actually, yung panganay ko will be attending our wedding,” sambit ng aktres.
First time na magpe-face-to-face si Jomari at ang anak ni Abby.
Noon pa kilala ni Jomari ang mga anak ni Abby via video calls. Noong 2019 ay six months na nag-LDR (long distance relationship) sina Abby at Jomari.
Pinabalik ni Jomari si Abby sa Pilipinas para magsama na sila. Hindi na sila nagkahiwalay mula noon, hanggang magpasya na silang magpakasal.
Read: Jomari Yllana considers girlfriend Abby Viduya his lucky charm
OK na ba ang preparations nila para sa civil wedding sa Nobyembre sa Amerika?
Napakunot-noo si Jomari, “Wala naman kaming preparations. Lilipad lang kaming mabilis. Ang malaking preparation, yung church wedding either sa 2024 or 2025 sa Naga City.
“Yun ang big preparation. Yung civil, magku-quick getaway lang kami. Mangingibang-bansa lang kami dahil isasabay ko siya sa Halloween. Alis ako ng Halloween para holiday.
“Kasi hindi ako puwedeng mawala ng Thursday. Regular session namin.”
Aabutin ba sila ng two weeks sa Las Vegas o iba pang lugar sa Amerika?
“Hindi, e. Hindi ako puwedeng mawala ng Thursday. Trabaho kasi yun.”
Walang honeymoon?
“Lagi naman kaming honeymoon! Ha! Ha! Ha! Lagi naman kaming honeymoon!” paghalakhak ni Jomari.
Gusto raw ni Abby na mag-Paris?
“Marami kaming gusto. E, para naman kaming honeymoon lagi. So, meron kaming Holy Land. Meron kaming Europe. So, biyahe-biyahe na lang din,” sambit ng actor-politician.
Nang usisain namin si Jomari about honeymoon ay nasa labas ng lounge room si Abby. Pagbalik ni Abby ay inusisa rin namin ito tungkol sa pulot-gata.
Sey ni Abby, “Kasi work kami, e. So siguro, baby, if we have like a Christmas break. Maybe, it all depends.
“But you know what? Lagi naman kaming honeymoon, e! Ha! Ha! Ha! Ha!”
Sambot ni Jomari, “Honeymoon muna kami sa Okada!”
Susog ni Abby, “Oo! We’re gonna try all the rooms!”
Tawang-tawa si Jomari, at kikay na kikay si Abby na ipinagdiinan, “We’re gonna try all the rooms of Okada Manila!”
Napatungo si Jomari, “Kung matibay. Matibay.”
Pagbibiro pa ni Abby, “Gusto nyo mag-upload kami ng videos? Ha! Ha! Ha! Ha!”