GORGY RULA:
Hindi lang ang Stages ni Carlo Orosa ang nagma-manage ngayon kay Christian Bautista kundi pati na rin ang asawa niyang si Kat Ramnani-Bautista.
Si Kat ang CEO ng NYMA Talent Management, na ang ibig sabihin pala ay Now You Must Aspire. Ang NYMA ay ang premier talent management arm ng Kroma Entertainment.
Inilunsad ng NYMA ang mga bago pa nilang talents na iha-handle nila, kasama si Christian na co-managed sa Stages.
Maayos daw ang partnership ng NYMA sa Stages, kagaya rin daw ng ibang talents ni Carlo na sina Aicelle Santos, na co-managed sa Sparkle, at si Sam Concepcion, na nasa Viva Artists Agency naman.
Ani Christian, “One of the reasons why I joined their wonderful company along with Stages, of course, is yun nga yung direction nila, yung strategy. I need to be in this space, in this digital. I'm so excited for the future. I'm so proud.
"I'm so appreciative with my manager, sina Carlo, sina Kuya Audie [Gemora] and talagang... again with NYMA kasi, parang together, they saw potential.
"I've been here parang 20 years. I've done movies, radio, concerts, teleseryes, what's next?
"Sa panahon ngayon, the way to go really is collaboration para tulung-tulong, partner tayo at kung kanino next tingnan natin," pahayag ni Christian sa media launch ng NYMA na ginanap sa Power Mac Center Spotlight kahapon, August 3, 2023.
Bukod kay Christian, inilunsad na rin ng NYMA ang bago nilang talents: ang tinaguriang "lumpia kween" na si Abi Marquez, ang Home Buddies "Mayora" na si Frances Cabatuando, ang visual artist at content creator na si Raco Ruiz, ang cycling advocate na si Lester "Buji" Babiera, si Jukay "Jookstogo" Jurao, ang American singer-songwriter na si Jamie Miller, at ang Korean-American singer, songwriter, actor at podcaster na si Eric Nam.
Sina Jamie Miller at Eric Nam ay co-managed ng NYMA sa EN Entertainment.
Kat Ramnani (third from left) with new NYMA talents: (from left) Frances Cabatuando, Abi Marquez, Christian Bautista, Buji Babiera, and Raco Ruiz.
JERRY OLEA:
Doon pa rin sa mediacon ng NYMA, tinanong sina Christian at Kat kung paano ang relasyon nila bilang mag-asawa, ngayong si Kat na rin ang bahagi sa pagma-manage ng Asia's Romantic Balladeer.
Read: Christian Bautista ties knot with non-showbiz girlfriend Kat Ramnani
"Di ba, pangarap yan ng lahat na maging boss mo yung asawa mo?" pabirong sagot ni Kat.
"Pero joking aside, may solusyon lang po diyan. Simple lang po yan. Ipapasok ang third party. Pero hindi third party na relationship.
"Hindi po sa relationship... dito, third party sa management. So, with NYMA, we have the amazing Karen Tumbali.
"Karen Tumbali heads my talent team. I look after the entire NYMA business.
"Karen has 20 years of talent management experience. So, Karen personally oversees Christian's career and the direction and partnership with Mr. Carlo Orosa and the rest of the Stages group," dagdag niyang pahayag.
NOEL FERRER:
Kung si Kat ang boss ng NYMA na nagma-manage kay Christian, tinanong naman ang mag-asawa kung sino sa kanila ang boss sa kanilang tahanan.
"Lahat ng mga plano, naka-presentation deck, pinagplanuhan, binigyan ng oras, and talagang pinag-isipan, may pagmamahal, merong... yun ang sabi nila, hinihingi muna nila kung ano ang gusto mong gawin, tapos sige try natin. Kesa sa eto gawin mo! So, merong collaboration.
“Sino ba talaga ang boss sa bahay? Madali lang yan! Si Jesus!” nakangiting sagot ni Christian na nakaturo sa itaas.
Christ-centered daw ang kanilang pagsasama bilang mag-asawa.
Sagot naman ni Kat, “I think that our worklife is separate from our homelife right now. Our marriage is a separate thing from working together.
“But in our house, the true boss is our dog Zorro. Because our life revolves around him. So, in our home, aso ang totoong boss."
Sinundan ng tanong si Christian kung kumusta naman si Kat bilang asawa.
"The best! The best wife, sobra!" mabilis na sagot ni Christian.
"Pag na-meet mo na talaga yung the one in your life, parang ang dali ng lahat. Kahit ano pang pinagdadaanan niyo, kaya niyo yun. Kasi, minamahal niyo at iniintindi niyo ang isa't isa," dagdag niyang pahayag.
Nagpa-sample na si Christian na lumuhod kay Kat at kinantahan niya ng "The Way You Look at Me."
