JERRY OLEA
Bata pa lang si Ian Veneracion ay mahilig na siya sa musika.
"Actually, I’ve been playing the piano and the guitar since I was eleven years old,” lahad ni Ian sa mediacon na naganap noong Hulyo 24, 2023, Lunes, para sa ng forthcoming concert niya sa Winford Manila.
Pampersonal lang noon ang hilig niya sa pagkanta at pagtugtog ng musical instruments. Hindi niya akalaing mararanasan niya eventually ang pagre-record at pagkakaroon ng show.
Salaysay ni Ian, “Kasi dati, di ba, pag artista ka, puwede kang maglabas ng album? Tapos kukuha ka lang ng kanta ng kahit sino, tapos re-record-an mo. Tapos bumebenta kayo, iyong ganun.
“Parang I never wanted to do that because masyadong mataas ang respeto ko sa music. It has been there for me always.
“It’s really good therapy, iyong music. And yun, ayokong i-treat it lightly. So that’s why I never did music before.
“Saka dati mahiyain akong kumanta. Tapos when I did A Love To Last [Enero-Setyembre 2017], ang role ko, with a piano and guitar, ang role ko, composer.
"And then I had to sing some songs there. Kabadung-kabado ako nun, pero as an actor, di ba, it’s like okay, it’s my job. Singer ako dito.
“So praktis konti, tugtog nang tugtog, and, you know, we did the show. And I was surprised that they liked it.
"Sina Tita Malou Santos, sina Ma’am Charo loved it. So they ended up, pina-record sa akin yung buong album ni Jose Mari Chan that we used for the show.
"And then yun, they were encouraging me. Sabi nila, ‘Bakit di ka mag-record?’ ganyan-ganyan. ‘Hindi namin alam na nagmu-music ka pala.’
"So dun nag-start yun. Tapos siyempre habang tumatagal na, nagkaka-gain ng confidence. Ngayon, ang kapal na ng mukha ko na kumanta talaga. Hahaha!
“Ako yung isa sa mga taong pag kasama mo sa videoke, yung ayaw kunwaring kumanta, pero pag nasimulan na, ayaw nang bumitaw sa mic. Na-realize ko, ganun pala ako. Hahaha! So yun."
Nagkuwento rin siya kung bakit mas gusto niyang kumanta with a live band o accompaniment kesa minus one.
"The band that I have, na kasama ko lagi sila, whether yung gagawin namin ni Ogie [Alcasid] na Kilabotitos sa States, and we had a concert a couple of months ago, sa Geneva and sa Zurich.
“Kami ni Ogie, with a whole band, kung saan-saan na rin kami nakapunta sa Canada, sa States. And sobrang kapit na kapit na.
“Alam mo yung halos nagkakaramdaman na kayo ng pakiramdam. For example, instrumental part, and then I decided to go to the audience here.
“Pag bumaba ako at lahat tapos nagha-hug kami, nagse-selfie, biglang hindi ako aabot dun sa timing nung kanta, hindi ako nag-aalala.
“Kasi, magba-bump lang iyan, sasaluhin nila ako. Tapos pag papasok na ako, alam mo yung nagkakasenyasan, nagkakaramdaman?
“Eto na ako, tapos pak! Pagbalik ko ng verse, yung mga ganun. Little things na na-accumulate lang over time, na playing together.
“So yun ang nae-enjoy ko dun talaga. Ibang-iba yung art form na yun kesa sa nakasanayan ko.
"Sa taping, sa shooting, may take 2, take 3, puwedeng ulitin. Puwede kang mag-eksperimento. Yun, puwede kang mag-eksperimento.
"Pero live, pag nagkamali ka, panindigan mo lang, di ba? Pero yun yung, para siyang may ganung type of improvisation na live, na na-e-enjoy ko talaga.”
NOEL FERRER
Four decades nang artista si Ian. Ano ba ang pinaka-wild na experience niya sa agresibong fans?
“Ahhmm parang wala namang out of the ordinary,” malumanay na tugon ni Ian.
“Kasi my supporters are usually...ang common denominators sa kanila, yun nga, yung age. Yung age bracket nila.
“Hindi naman sila super bagets na, you know, emotional na ano. So they’re very tamed and very educated. Well-traveled.
“Well, pag nagiging rowdy sila, maano lang, cute lang tingnan. Yung makikipagsiksikan sila, pero ang mamahal ng mga alahas!
“Parang gusto kong sabihin, ‘Uy! Baka malaglag iyan!’ Hahaha! Yung ganun.
"Pero yun, ibang-iba. Ibang-iba kesa sa mga fans for example noon ng That’s Entertainment. Wala akong naaalala na medyo kinabahan ako or ano. Wala, wala!”
Ikaw talaga ang market ni Ian V, Tito Jerry!!!
Read: Ian Veneracion admits most of his supporters are "titas": "I call them my Army of Titas
GORGY RULA
Kinakabahan pa ba si Ian kapag nagko-concert siya o sumasampa sa stage?
“At first, few times. Nagtataka nga ako nun, lalo na yung first na first na concert. Tapos sinisilip ko, andaming audience,” saad ni Ian.
“Ang unang tinugtugan ko kasi, si Ms. Sharon Cuneta, may concert series siya noon sa States. Tapos kinuha nila akong guest.
“Wala pa akong banda nun. E, I don’t do minus one. Ayaw na ayaw kong mag-minus one, kasi feeling ko, wala, pagdating sa dynamic, hindi siya totoo.
“Ang ginawa ko nun, nagdala ako ng gitara. I sang three songs. And then yun na, mga three times namin ginawa.
“Nakakatakot siya, kasi inisip ko, 'Bakit ganun? E, tumatalon nga ako palabas ng eroplano. Skydive, hindi ako ganito katakot. Bakit ganito, lalabas ako sa stage, takot na takot?'
"Pero yun, after a few times lang, ahhmm okay na. Kasi na-excite na rin ako. Na-excite na rin ako, nararamdaman ko ang excitement nila. Hindi na siya kaba.
“So now… kasi, the past couple of years, kung saan-saan kami umiikot. Puro kami tugtog, e.
"Ahhmm yun nga, minsan big concert, minsan hindi big concert. Minsan musicfest sa province, for example, or corporate event, or sa birthday, gustong i-surprise ng mga kaibigan niya yung may birthday. Yung mga ganun. Nasanay na.
“Tapos hindi na ako kinakabahan, pero na-excite na ako, pero malayo na kesa dati. Super chill, super relaxed na lang ngayon.”
Siyanga pala, ang Ian Veneracion Live concert ay gaganapin ngayong Agosto 12, Sabado, ng 8:00 p.m. sa Winford Manila Ballroom.
Ididirek ito ni Vergel Sto. Domingo, at opening act dito sina Marissa Sanchez at Zach Ponce. Ang halaga ng tiket ay PHP5,000 (SVIP, may photo op), PHP3,500 (VIP) at PHP2,000 (Gold).