JERRY OLEA
More and more and more ang projects ni Direk Jose Javier Reyes na mag-i-streaming sa Vivamax.
Seryosong pahayag ng multi-awarded writer-director noong Agosto 17, 2023, Huwebes sa Relish restaurant, Sct. Limbaga St., Quezon City, “Isang malaking karangalan na ipalabas na ang four-part series na Secret Campus sa August 27.
“Lahat letter A ang mga bida rito—A-students. A-listers sila. Azi Acosta, Ataska, Angelica Hart, at Angela Morena.”
Nasa cast din ng Secret Campus sina Armina Alegre, Arron Villaflor, Aerol Carmelo, Clifford Pusing, at Victor Relosa.
Pagpapatuloy ni Direk Joey, “Kuwento ito ng apat na estudyanteng babae. Kani-kanyang episode sila, kung anu-ano ang pinagdaanan nila sa eskuwela.
“May isa na gusto niyang mag-aral pero may financial problem siya. Nakatira siya sa auntie niya na inaapi siya.
“Yung isa, nagla-live stream siya, OK, para kumita ng pera until she became a part-time prostitute.
“'Tapos ikatlo, ni-rape siya ng kaklase niya dahil tatanga-tanga siyang probinsiyana, OK.
“Saka ikaapat, nagka-crush siya sa professor niya. Obsessed siya sa isang professor.”
Naku! Baka maikumpara ang Secret Campus sa six-episode Lovely Ladies Dormitory na tinampukan nina Andrea Garcia, Hershie de Leon, Yen Durano, Tiffany Grey, at Julia Victoria, with the special participation of Alma Moreno.
Napabuntong-hininga si Direk Joey, “I think ang pinakamagandang karanasan ko sa Secret Campus e ang gagaling nung apat na babae.”
Walang kiyeme yung mga babae na magpa-boobey. Required ni Direk Joey na naka-plaster ang mga lalaki sa maseselang eksena.
“Kasi, pag pinapatong mo yan sa babae, ano, baka… di ba? Ang lalaki naman, hindi nakokontrol minsan.”
Kabebeynte anyos pa lang ni Clifford Pusing kahapon, Agosto 19, Sabado. “Nabinyagan” ni Direk Joey si Clifford sa pelikulang Tag-init with Franki Russell.
Gaano ka-daring si Clifford sa Secret Campus?
“Natutuwa ako, kasi, bata yun, OK. Nakita ko yan sa Sakristan ni Darryl Yap. Tinawagan ko si Darryl. Sabi ko, ‘Darryl, OK bang umarte si Clifford?’
“Sabi ni Darryl, ‘Oo, OK yan.’ So, kinuha ko and wala, natutuwa ako sa kanya dahil bata siya.”
May pagka-exhibitionist ba si Clifford?
“Medyo," sagot ni Direk Joey.
May karanasan na ba si Clifford? Dun sa seryeng High on Sex 2 e panay-panay na ang pakikipagharutan nito sa mga babaeng co-stars.
“Ahh... karanasan sa… kung virgin siya? Hindi na siya virgin. Tinanong ko siya, ‘Virgin ka pa ba? Ayokong ipagawa sa 'yo ang bagay na yan.’
"‘Ay! Hindi po!’ sabi niya. “Ganun, ‘Hindi po!’ Marami siyang alam… marami siyang alam.”
Binantayan ba si Clifford ng tatay niya sa shooting ng Secret Campus?
“Wala sa set ang tatay niya. Wala sa set ang tatay. Nakakatawa nung ginawa namin ang Tag-init, first time siyang nagsuot ng plaster,” salaysay ni Direk Joey.
“Tuwang-tuwa siya. ‘Tingnan mo! Tingnan mo!’ Mukha siyang manikin.”
Sa Setyembre naman nakatakdang ipalabas ang pelikulang Patikim-tikim na idinirek ni Direk Joey. First time na magbibida roon si Aerol Carmelo. Nandoon din sina Apple Dy, Yen Durano, at Chloe Jenna.
Matatandaan na naidirek na ni Direk Joey sina Aerol at Yen sa Tag-init, kung saan may threesome ang mga ito with Ali Asistio.
Ang pinirmahang kontrata ni Direk Joey para sa Vivamax ay labindalawang proyekto. Apat pa lang ang nagawa niya.
Naku! Baka ma-insecure sa kanya si Direk Roman Perez Jr. sa dami ng proyektong ipi-pitch niya?!
“Hindi, hindi, hindi! Kaibigan ko yang direktor na yan. Saka sa dami ng ginagawa sa Vivamax, wala kang dapat ika-insecure,” sey ni Direk Joey.
NOEL FERRER
Inaasam ni Direk Joey na maaprubahan agad ng Viva ang mga bago niyang ipi-pitch, para makatapos pa siya ng dalawang project bago matapos ang taon.
May na-reject ba sa mga pini-pitch niya before?
“Marami ka namang pini-pitch, e. Pumipili sila,” sambit ni Direk Joey.
“Tapos may iba na nade-delay. Alam mo ang problema ngayon, kulang na ang artista ng Vivamax.”
In fairness, masaya ang Christmas ng mga staff niya dahil ratsada ang projects niya sa Viva.
“Gusto ko, maging mas masaya ang Christmas nila kaya work-to-the-max ako!”
GORGY RULA
May mga nagtataas ang kilay kay Direk Joey kaugnay sa pagbi-Vivamax niya.
Nakangiting sabi ng multi-awarded writer-director, “Ang maisasagot ko diyan is… ang isa ngang National Artist na Ricky Lee, nagbi-Vivamax, ako pa kaya?!
"Sino ba ako compared to Ricky Lee?! Hindi ba? I mean, trabaho ito at saka hindi naman nangangahulugan na Vivamax e ganung klaseng pelikula yun na karumal-dumal.
“Hindi! Kung makakapanood ka ng ilang Vivamax movies, magaganda! Oo, hindi ba? Saka trabaho ‘to. Trabaho ‘to.
“Alangan namang hintayin kong magkaroon ng remake ang Ten Commandments.”