JERRY OLEA:
Nanguna na ang What If nina Alessandra de Rossi at JM de Guzman sa listahan ng Top 10 Movies in the Philippines Today ng Netflix.
Ang logline ng pelikula, “When a pair of newlywed musicians get trapped in a storm on their island honeymoon, they must face difficult truths that could tear their marriage apart.”
Kasama sa cast ng hugot movie sina Soliman Cruz, Angie Castrence, Ana Abad Santos, Chard Ocampo, Jett Pangan, Sunshine Guimary, Nicole Omillo at Anna Luna.
Ang direktor ay si Emmanuel Palo.
May isa pang gawang-Pinoy sa Top 10 Movies ng Netflix PH, ang Love You Long Time nina Carlo Aquino at Eisel Serrano. Nasa pansampung puwesto na ito ngayon.
Read: Love You Long Time' ni Carlo Aquino, nananatiling No. 1 sa Netflix
Naka-seven consecutive days na number 1 sa Netflix PH iyang Love You Long Time.
Before that, ang Pinoy movie na nag-number 1 sa Netflix PH ay ang Seasons nina Carlo Aquino at Lovi Poe. Seven consecutive days din iyong number 1.
Ang Top 10 Movies in the Philippines Today sa Netflix ngayong Setyembre 9, 2023, Sabado, ay What If, The Italian Job, The Pope’s Exorcist, Jack Reacher: Never Go Back, Jack Reacher, Jumper, A Day and A Half, The Grinch, Spider-Man Into The Spider-Verse, at Love You Long Time.
Wala pa ring gawang-Pilipino sa talaan ng Top 10 TV Shows in the Philippines Today ng Netflix.
Ang live adaptation ng One Piece, nine consecutive days na sa top position.
Ang Top 10 TV Shows sa Netflix PH ngayong Sabado ay One Piece, Destined With You, 6ixtynin9, Predators, The Uncanny Counter, Who Is Erin Carter?, My Happy Marriage, Mask Girl, Dear Child, at Behind Your Touch.
GORGY RULA:
Nine consecutive days nang nangunguna ang Comedy Island Philippines sa Prime Top 10 in the Philippines.
Tatlong episode ito, at tampok dito sina Carlo Aquino, Awra Briguela, Andrea Brillantes, Jerald Napoles, Cai Cortez, Rufa Mae Quinto, at Drew Arellano.
Nawala na ngayong Setyembre 9, Sabado, sa Top 10 ng Prime Video ang pelikulang Adik Sa ‘Yo nina JM de Guzman at Cindy Miranda.
Read: JM de Guzman, "sobrang naka-relate" sa role bilang recovering addict sa 'Adik Sa 'Yo'
Ilang araw rin itong nag-number 1 noon.
Iyong seryeng Dirty Linen ni Janine Gutierrez ay pumuwesto sa pangalawa kahapon, Setyembre 8, Biyernes. Pangatlo na lamang ito today.
Ang Prime Top 10 in the Philippines ngayong Setyembre 9, Sabado, ay Comedy Island Philippines, The Wheel of Time, Dirty Linen, The Killing Vote, Shotgun Wedding, Rurouni Kenshin, Jujutsu Kaisen, Red, White and Royal Blue, HeartBeat, at The Summer I Turned Pretty.
Dalawa lang sa mga iyan ang pelikula, iyong Shotgun Wedding at bromance na Red, White and Royal Blue.
NOEL FERRER:
Maganda naman at namamayagpag sa streaming ang ilang mga Pinoy content. Sana, mas marami pa ang ganito lalo pa’t kung ito na ang paraan ng pag-consume ng content ng mga tao.
Pero of course, kasama tayo sa nananalangin pa rin na meron pa ring mag-hit na pelikula sa takilya mismo, sa big theater na may publiko kung saan nakasanayang panoorin ang ganitong mga pelikula. Sana.