JERRY OLEA
Dati, kapag naglalabas ang Star Cinema kung magkano ang kinita ng kanilang mga pelikula, ang figures ay eksakto hanggang sentimo.
Pero sa first day gross ng A Very Good Girl, ibinando nilang "more than P10M" ang hinamig nito sa 250 sinehan.
Read: 'A Very Good Girl,' lagpas PHP10M umano ang kinita sa first day
Ang source ng PEP Troika, nanindigang humigit-kumulang P7.5M ang hinamig ng pelikula nina Kathryn Bernardo at Dolly de Leon sa unang araw nito.
Ipinagmalaki ng Star Cinema sa X (dating Twitter) nitong Setyembre 30, 2023, Sabado ng 9:09 p.m., “A VERY GOOD OPENING WEEKEND. Thank you for loving the new era of Star Cinema! A Very Good Girl has made P40M as of September 30, 7 PM, with over 125,000 tickets sold!
“Don’t miss the Philippines’ biggest movie of the year! Watch it with your loved ones to experience the thrill and the taste of revenge like no other.”
Bale 260 na raw ang cinemas nito nationwide.
Ni-repost ni Kathryn Bernardo ang P40M-artcard sa X nitong Oktubre 1, Linggo ng 12:43 p.m., at ang sabi, “I am a very happy and grateful girl! We are over the moon with the support your showing to A Very Good Girl.
“Please spread the word because we’re still showing in 250 cinemas nationwide!”
Nitong Oktubre 1, Linggo ng 10:20 p.m., ang update ng Star Cinema sa X, “Thank you for the PHILOmenal weekend!!!
“A Very Good Girl NOW in 270 cinemas nationwide!!! Don’t miss the chance to watch the most awaited, and most talked about Filipino movie of the year with your family and friends!”
Sa mga nag-aabang kina Philo/Mercy at Molly… dadalo sina Kathryn at Dolly sa U.S. para naman daluhan ang Hollywood premiere ng A Very Good Girl sa Oktubre 4, Miyerkules, sa The Silver Screen sa Pacific Design Theater sa Los Angeles, California, USA.
Magsisimula ang U.S. theatrical screenings ng pelikula sa Oktubre 6, Biyernes.
Bukod sa U.S., mapapanood din ang A Very God Girl ngayong Oktubre sa Canada, New Zealand, Australia, Guam at Saipan, Hong Kong, Singapore, Malaysia, Cambodia, Nigeria, Middle East, at London.
TRIVIA: Iyong kantang "Dito Ba?" na ni-revive ni Misha de Leon para sa A Very Good Girl ay siyang first hit single ni Kuh Ledesma.
Nilikha iyon ni George Canseco para sa pelikulang Miss X (1980) na pinagbidahan ni Vilma Santos, sa direksiyon ni Gil Portes.
GORGY RULA
Ayon sa reliable source ng PEP Troika, close sa P36M na ang kinita ng A Very Good Girl as of September 30, Saturday.
Kaya siguro ni-round off na lang nila sa P40M, at yun nga ang binanggit nila sa ABS-CBN Ball na kinu-congratulate nila si Kathryn at iba pang cast ng naturang pelikula. Money-festing?!
Sabi ng aming source, ang tantiya nila ay baka umabot ng P120M ang buong run nito sa mga sinehan.
Ito ang pinakamahinang pelikula ni Kathryn, pero pinakamalakas na local film so far ngayong 2023.
Inaasahang lumakas pa ito noong Linggo, October 1, kaya siguro nadagdagan ng mga sinehan.
Sana, makabawi ang pelikulang ito, lalo na kapag marami nang naka-schedule na international screenings. Posibleng makabawi raw, pero baka hindi yung kumita nang bonggang-bongga.
Pinag-uusapan na ngayon kung ganoon din kaya o mas malakas pa ang Five Breakups and A Romance nina Alden Richards at Julia Montes. Abangan natin iyan sa October 18.
NOEL FERRER
Sana, all the hype on A Very Good Girl can help push pa the movie to higher box-office gross.
Mixed reviews ang nakukuha ko kaya mas promo ang nagwo-work kaysa sa word of mouth.
Good that some people have gone out of their comfortable homes para panoorin ang pelikula nina Kathryn at Dolly. Pero curious ako, hanggang kailan kaya tatagal ang pelikulang ito?
Sana, matagal pa, hanggang masundan na naman ng bagong hit Pinoy movie. Sana.