JERRY OLEA
Todo ngiti si Ricky Davao matapos ang preview ng Taglish musical na Silver Lining nitong Oktubre 19, 2023, Huwebes ng gabi, sa Carlos P. Romulo Auditorium ng RCBC Plaza, Ayala Avenue, Makati City.
Read: Ricky Davao, tinanggihan ang ibang proyekto dahil sa musical play na 'Silver Lining'
“Pagod na pero nag-e-enjoy dahil siguro nakakakuha ng energy sa mga bagets. Nakita niyo naman!” bulalas ng beteranong aktor.
“Ayaw tumigil up to now ang energy nila! Pangalawang show namin ito today, ha? Nag-run through kami kanina. Full show! Tapos eto… nakakapagod.”
Paano ba siya napasama sa Silver Lining?
“It was offered to me. Tapos sabi ko, ‘Let me read the script.’ Nung nabasa ko, cute,” lahad ni Ricky.
“Tapos tinanong ko yung mga anak ko and some friends. Kasi siyempre, may ginagawa akong teleserye, and I’m waiting for another directorial job. Siyempre priority ko sana yun.
“Pero nung pumasok ito, tapos nabasa ko, tapos sabi ng mga anak ko, ‘Maganda!’ — sabi ko, kailan naman ako makakakuha ng lead role ulit sa age ko, na musical pa?!
“Alam mo naman ako, A.I.M., Ayaw Ipasa ang Mic. Ha! Ha! Ha! Ha! A.I.M. graduate, di ba?!
“So dito, nagagawa ko kahit papaano. Umaakting pa. May bayad pa.”
Anu-ano ang challenges na hinarap niya sa Silver Lining musical?
Mabilis na tugon ni Ricky, “Marami. Kasi ang music, bago. Actually tamad na akong mag-aral ng mga bagong kanta. Kaya if you ask me to sing, I can sing mga standards, mga luma.
“Yung mga bago nga, hindi ko na alam, e. Marami akong gustong mga ano, kaya lang, tamad na akong mag-aral.
“Dito, I have to study. Halos lahat, kasi kung hindi ka man solo, nasa chorus ka. So, pati mga whoooo… haaahh… yung mga ganun, kailangang pag-aralan. Voicing.
“E, medyo hindi ko naiintindihan yun. Yung mga bata, ang gagaling. Ituturo lang ng musical director, ni Vince Lim, ‘Ikaw, tenor. Ikaw, ganito, ganyan.’ ‘Anong sinasabi? Ano yun?’
“Basta ako, kakanta lang ako.”
Silver lining para kay Ricky ang pag-offer sa kanya ng musical na ito.
Pagtatapat ng actor-director, “Nung first two weeks, nai-stress ako. Kasi hindi ko makuha, mahirap yung kanta. Paminsan-minsan, hindi ko pa rin makukuha.
“I hope hindi niyo nahalata! Ha! Ha! Ha! Pero may mga ano pa rin, it’s normal naman. E, sa play naman, you know, it’s life, it’s there.
“It’s very organic. A mistake is part of the scene. It becomes part of the scene, kaya ganun lang. Iba pa rin yung high ng doing live theater.”
NOEL FERRER
Noong Oktubre 2018 ay ginawa ni Ricky ang theater play na Baka Naman Hindi para sa CCP. Katambal niya rito si Rina Reyes.
“Maganda rin yun. Napanood ko yun, 13 years old pa lang ako. Daddy ko, kasama dun, saka si Vic Silayan. Hiningi ko yung role ni Vic Silayan. Dual role,” sabi ni Ricky, na anak ng yumaong aktor na si Charlie Davao.
Kasama rin siya sa pagtatanghal ng Contra Mundum: Ang Larawan In Concert noong Mayo 6, 2023 sa Manila Metropolitan Theater.
Read: Bea Alonzo, hindi binanggit ang pangalan sa report ng TV Patrol tungkol sa 'Ang Larawan' concert
Unang nag-Larawan si Ricky 23 years ago. Bakit bumabalik-balik siya sa teatro kahit hindi kalakihan ang talent fee niya rito kumpara sa telebisyon at pelikula?
“Kasi nag-start din naman ako sa theater, nung nag-uumpisa ako. And yun ang foundation ko,” sambit ni Ricky.
“And binabalik-balikan ko yun. Kumbaga, food for the soul. Hindi naman lahat, pera. Kikita, sikat, ganun.
“Although ito siyempre, may gamble ito, kung maghi-hit. Sana mag-hit! Sana mag-hit, yun ang isa pang silver lining. Sana mag-hit, and I’m part of it, yon.”
GORGY RULA
Ang synopsis ng Silver Lining, “Three friends from an exclusive boys high school now in their senior years have gotten together to form a band for their Golden Anniversary Homecoming.
“They've pulled together their wives and teenage kids to join the band but after rehearsing for over a year excited about their performance, they are given notice that due to time constraints, their band can only perform three numbers.
“Saddened by this news, they decided to make a musical instead. As the musical's preparation unfolds, memories and past histories of their teenage years and university life unfold.
“It is a story of rediscovery in two timelines, reliving the turbulent times of the 70s as well as understanding the struggles and conflicts of today's youth.
“Silver Lining is, after all, a story of hope and redemption.”
Sa istorya ay kapapasok lang sa UP Diliman ng magkakaibigang Leo (karakter ni Ricky), Anton, at Raul. Bago pa iyon ideklara ang martial law noong Setyembre 1972.
Bale nasa late 60s na sina Leo, Anton at Raul, na 56 years nang magkakaibigan. In fairness, masisigla pa rin sila sa song and dance numbers.
Paliwanag ni Ricky, “Ang ano kasi, if you notice… siyempre, pagka good life, medyo maganda rin, e. Tapos maingat ka sa pagkain, sa ano.
“Pero kasi yung iba, nakikita ko, yung mga nakakasalamuha ko… akala ko, lolo. Yun pala, mas matanda pa ako.
“Siguro kasi dahil sa hard life, di ba? May epektong ganun, e.”
Co-stars ni Ricky sa Silver Lining sina Joel Nuñez, Raul Montesa, Nenel Arcayan, Jep Go, Shaun Ocrisma, Maronne Cruz, Albert Silos, Noel Comia Jr., Jay Cortez, Sara Sicam, Krystal Brimner, Khalil Tambio, Hazel Maranan, Sarah Facuri, Iya Villanueva, Dippy Arceo, Joshua Tayco, Rodel Pingol, at Ado Villanueva.
Ang direktor ng Silver Lining ay si Maribel Legarda. Music & lyrics by Jack Teotico, na siya ring executive producer; book & lyrics by Joshua Lim So; choreography by PJ Rebullida.
Bale anim ang pagtatanghal nila sa dalawang weekend sa Carlos P. Romulo Auditorium — Oktubre 20 (Biyernes, 8:00 pm), Oktubre 21 (Sabado, 8:00 pm), Oktubre 22 (Linggo, 3:00 pm), Oktubre 27 (Biyernes, 8:00 pm), Oktubre 28 (Sabado, 8:00 pm) at Oktubre 29 (Linggo, 3:00 pm).
Ang halaga ng tiket ay P5,000 (VIP), P3,000 (Orchestra Center), P2,500 (Orchestra Side), P2,000 (Orchestra Side, Loge Center), P1,500 (Loge Side), at P1,000 (Balcony).